Готвење со малку пари, отплаќање на кредит: Училиште дава часови „како да се справите со животот“

Детали

вторник, 26 март 2019

Како да смените гума или да работите со вашите кредитни картички, ова и многу повеќе за справување со реалниот живот се учи во едно училиште во САД.

На училиште учиме јазици, математика, историја, биологија, физика и што уште не, но колку од тоа потоа ни е корисно во секојдневниот живот?

Кога учениците завршуваат со училиште дали се подготвени за соочување со реалниот живот и сите предизвици што ги носи тој?

Училиштето Bullitt Central High School во Кентаки, САД посвети ден на учење на учениците како да променат гума, како да приготват оброци за малку пари, како да напишат добро CV и како да се справат со финансиите.

Тие добиваат лекции како да ги користат кредитните картички и да водат сметката за каматата на својот кредит. Дури и полицаец им држи предавање како се постапува кога ве сопира сообраќаец за да провери дали сте консумирале алкохол.

Овие информации се витални во животот и вакви предавања треба да се спроведуваат во сите училишта низ светот, а и кај нас.

Тешките ситуации од животот со ваква подготовка дефинитивно ќе бидат полесни.

С. С. | Црнобело