Ренџери од Конго ги имаат најдобрите селфи фотки - со горили кои позираат

Детали

понеделник, 22 април 2019

Уште еден ден во канцеларија... како им изгледа работната околина на овие ренџери кои се задолжени за заштита на дивите животни во национален парк во Конго?

Националниот парк Virunga во Демократска Република Конго е светско наследство на УНЕСКО, а според официјалната страна на паркот, истиот е под влијание на војна и вооружани конфликти во последните 2 децении.

Паркот се штити благодарение на тим од 600 посветени ренџери – локални мажи и жени кои поминуваат низ интензивни тренинзи и секојдневно си го ризикуваат животот за да го заштитат дивиот свет, вклучувајќи ги и загрозениот вид на планински горили.

Иако работата на ренџерите кои се борат за заштита на животните во дивината е опасна, сепак има и непроценливи моменти како оние кога се поврзуваат со нив.

Покрај тоа што ги штитат, ренџерите наоѓаат време и да се „дружат“ со горилите и да уживаат во времето поминато со нив, па дури си прават и фотки со нив.

На официјалната Фејсбук страна се објавени неколку фотки од горилите кои позираат за селфи со ренџерите во паркот.

Фотките се навистина прекрасни и претставуваат потсетник дека некаде има луѓе кои работат напорно и си го ставаат животот во опасност за да ја заштитат природата и животните.

Доказ дека „уште еден ден на работа“ не изгледа исто за сите...

" data-width="630" data-show-text="true">

WORDS TO LIVE BY- SAGESSE INTEMPORELLE From a Virunga National Park ranger, translated from the French: "When one is...

Posted by The Elite AntiPoaching Units And Combat Trackers. on Thursday, 17 May 2018