Србин е воодушевен од болниците во Кина - како во друг свет, здравство од соништата (видео)

Детали

петок, 17 јули 2026

„Сè се одвива многу брзо. Ако, на пример, сакате да направите магнетна резонанца, можете да ја завршите за околу половина час“, вели Милан Сариќ, а додава дека во болниците може да свирите дури и пијано и да си пиете кафе Starbucks.

Милан Сариќ, на Инстаграм познат како „putnik.iz.srbije“, на почетокот од годината ја посети државната болница во Кина и ги сподели своите впечатоци за тоа колку здравствениот систем таму е поинаков.

„Во Кина болниците се уредени, чисти и добро организирани. Регистрацијата буквално трае само неколку секунди ако не сте странец“, вели Милан, и додава дека доволно е да ја приложите вашата лична карта и да кажете кај кој лекар сакате да одите.

Тој опиша колку е необично ефикасен и организиран системот, во кој прегледите се извршуваат брзо, а престојот во болница изгледа сосема поинаку од она што би го очекувале.

Милан во своето видео вели:

„Во Кина, лекарот најверојатно прво ќе ве упати да дадете крв, а тоа оди многу брзо бидејќи има околу 20 шалтери за земање крв.

Интересно е што иглата е толку тенка што земањето крв речиси и не се чувствува, а резултатите од стандардните анализи ги добивате за најмногу 30 минути, а често и за само 15 минути.

Во болницата има кафуле Starbucks, продавница, пекарница со печива и колачи, како и столици за масажа. Можете дури и да отсвирите нешто на пијано“.

Тој истакна дека до болницата се наоѓа и аптека. Терапијата електронски се испраќа директно, а на шалтер ги добивате веќе подготвените лекови.

„Сè се одвива многу брзо. Ако, на пример, сакате да направите магнетна резонанца, можете да ја завршите за околу половина час.

Кога имате силна бактериска инфекција, најверојатно веднаш ќе примите инфузија за побрзо да оздравите и да се спречи понатамошното ширење на инфекцијата.

Здравствениот систем во Кина е многу развиен. Земјата има околу 37.000 болници, од кои секоја е добро опремена, како и уште 100.000 клиники, така што здравствени установи има на само неколку километри растојание“.

Здравствениот систем во Кина е многу развиен и изгледа како совршено сценарио од нашите замисли како здравство треба да изгледа, зарем не?

Кликнете на видеото:

С. С. | Црнобело