Вирално видео: Луѓето во Кина ловат риба на поплавените улици, по тајфунот Рагаса

Детали

четврток, 25 септември 2025

Тајфунот Рагаса ги претвори улиците во јужниот дел на Кина во реки. Кога локалците забележале дека во водата има и риби, почнале да ги ловат – некои ги фаќаат со раце, некои со кофи, а некои си направиле и копја.

Тајфунот Рагаса кој ги погоди Тајван, Филипините и јужниот дел на Кина каде направи пустош.

Обилните врнежи предизвикаа големи поплави кои, пак, направија и сериозна материјална штета.

Според последните информации, има 14 загинати, додека спасувачките екипи трагаат и по 33 исчезнати лица.

Но, среде пустошот и трагедијата, жителите на област во Кина погодена од тајфунот пробале да го извлечат најдоброто од ситуацијата.

Во регионот Макао, локалците забележале дека во водата на поплавените улици има и риби, па почнале да ги ловат.

На социјалните мрежи вирално се споделуваат видеа на кои се гледа како луѓето трчаат низ реките на улиците и со раце, без никаква опрема фаќаат риба.

Некои користат кофи, а некои си направиле и копја.

Дел од оние кои успеале да фатат нешто, гордо го покажуваат својот улов пред камерите што ги снимаат.

Во коментари на видеата, луѓето се восхитуваат на оптимизмот на локалците.

„Го вадат најдоброто од лоша ситуација!“

„Во секоја криза има можност“.

„Реално, зошто не би ловеле? Ако природата ти даде храна бидејќи ти ја уништила куќата, зошто да ја одбиеш?“

„Ловење риба со раце на улица – како сон што се претворил во реалност“.

„Имам пријател од Кина кој рече дека ова било единствената добра работа од тајфунот“.

Прочитајте и: Нина Ангеловска е во Кина, каде има најава за тајфун: „Стаклените врати во хотелот ги запечатија, го стопираа јавниот превоз“

Спирова С. | Црнобело