Двете најлоши работи кои патниците ги прават во авион, според стјуардесата која јавно ги срами

Детали

вторник, 28 мај 2019

Поранешна стјуардеса која сега е позната по Инстаграм профилот @PassengerShaming, каде објавува ужасни фотки од патници во авион, сега открива кои се двете најлоши работи кои тие може да ги направат.

Сите некогаш сме патувале со луѓе кои немаат никаква култура и обѕир за останатите патници како и персоналот во авионите и свесни сме колку многу постојат таквите.

Шон Кетлин е поранешна стјуаердеса која одлучила да стави акцент токму на тие патници и на нејзиниот Инстаграм профил Passenger Shaming објавува фотки кои сведочат за некултурата на истите.

Додека работела како стјуардеса таа се соочила со секакви патници кои поставувале чудни и страшни прашања, добивала невообичаени барања, се справувала со некултурни и безобразни луѓе кои ја влечеле за облека и ја омаловажувале.

Шон одлучила да ги запишува во дневник сите работи со кои ќе се соочи за време на смена и со тек на време почнала да ги објавува на нејзиниот блог.

Сепак, иако имало многу работи кои ѝ оделе на нерви за време на работата, таа издвојува 2 најлоши работи кои патниците може да ги направат.

1. Не признавање и омаловажување на екипажот или обвинување за работи кои се надвор од нивна контрола

„Можеби звучи смешно, но добро е да не се игнорира постоењето на екипажот и можеби да се каже едно здраво или благодарам.“ – споделува таа и додава дека многупати кога стјуардесите ќе им посакаат добредојде на патниците, тие само ја вртат главата.

„Бидете свесни за вашата околина. Бидете пријателски настроени. Не е виновна стјуардесата што има торнадо или бура или механички проблем кој ни пилотот не може да го реши. Сум имала патници кои велат ‘не може ли само да прелетаме околу торнадото?’ Многу е слатко што го мислите тоа. Сите сакаме да стигнеме безбедно. Почитувајте го екипажот и нивната стручност и сфатете дека немаат контрола над природата.“

2. Боси нозе за време на лет

Доколку го следите Инстаграм профилот ќе сфатите дека Шон не е фан на боси нозе за време на лет, исто како и многу други.

„Во ред сум со луѓе кои ги соблекуваат чевлите ако:
1. Имаат чисти чорапи кои не мирисаат и
2.Нозете им стојат на подот, а не врз нечија глава или прозор.“

Таа советува да не ги соблекувате чевлите по секоја цена и да ги држите покриени, бидејќи нивното место не е на потпирачот или пред луѓе.

Се сложувате ли?

М. М. | Црнобело