Жените во Јапонија го кренаа својот глас - бараат закон против задолжително носење штикли на работа

Детали

среда, 05 јуни 2019

Повеќе од 19.000 луѓе во Јапонија ја потпишале петицијата со која бараат закон кој ќе им забрани на работодавачите да ги тераат жените да носат штикли на работа.

Жените во Јапонија се изморени од носење неудобни високи чевли на работа, па организираа движење со кое бараат заштита од владата од работните места кои бараат задолжително носење штикли.

Илјадници поддржувачи го изразуваат револтот зад хаштагот #KuToo, што е комбинација од јапонсите зборови што означуваат чевли и болка.

Инаку, иницијативата ја започната Јуми Ишикава, 32-годишна актерка која вели дека морала да ја промени кариерата откако морала да помине 8 часа на штикли на тренинг.

Многумина го осудуваат тоа и го сметаат за родова нееднаквост, бидејќи на жените им е наметнато правило за носење чевли на потпетица, додека мажите уживаат во удобни чевли. На голем број работни места, на жените им е наложено да носат високи потпетици, дури и ако позицијата не им е поврзана со работа со луѓе. 

Иако од голем број луѓе ова движење и петиција наидува на поддршка, сепак институциите се скептични дека ќе успеат да постигнат нешто, бидејќи станува збор за менување на целото општество.

Што мислите вие за задолжителното носење штикли на работното место и вреди ли жените да го кренат својот глас?

М. М. | Црнобело