Еко села – решение на голем број проблеми на модерниот човек

Детали

сабота, 29 јуни 2019

Светот бележи еден интересен феномен. Многу млади луѓе решаваат да заминат од бучните градови и да се преселат во рурална средина.

На тој начин почна и да се формира концептот еко село, што подразбира воспоставување на едноставен и одржлив начин на живот, искористувајќи ги придобивките на природата. Самосвесноста на поединците е на високо ниво зашто и самите сакаат да придонесат и помогнат на светот со нивната одлука.

Колку и да се правиме „слепи“, не може да ѝ побегнеме на глобализацијата, која со текот на времето не принудува да се вратиме во прегратките на природата и да ја разбереме.

За да се оформи еднa еко заедница треба да се делува на неколку нивоа, од примена на принципи на одржлив развој, враќање на обичаите до градење на еколошки градби,  користење на алтернативна енергија и произведување на здрава храна.

Комбинација на сите овие елементи можат да придонесат до успешно спроведување на еко заедница.

Во просек од 50 до 250 индивидуалци се вбројуваат во една заедница, но постојат и исклучоци. Многу често овие приказни започнуваат од поединци, семејства кои меѓусебно се врежуваат и го воспоставуваат концептот за кој се залагаат. И живеат со строго определени правила, истовремено грижејќи се за секого, а не само за себе.

Денес, еко селата стануваат популарни и можат да се сретнат насекаде низ светот. Од високо развиените држави до оние послабите.

Поединци на сите страни од светот со иста визија се приклучуваат на ова движење. Од Германија, Франција, Данска, Исланд, Норвешка, па сè до Мексико, Бразил, Кина…

Тоа е група на луѓе кои веруваат дека промената почнува тука и сега. Кога знаеме дека со векови луѓето живееле во заедници, поврзани со природата и чистотата на духот, зошто да не можеме и ние да го сториме тоа?

Автор: Х. Е. | Црнобело