Кои се најлошите туристи во светот?

Детали

четврток, 04 јули 2019

Порано не знаевме како се однесуваат странските туристите, освен ако не сме биле со нив, но денес имаме многу снимки од телефони кои ги откриваат најлошите туристи во светот.

Колку пати сте виделе туристички снимки на капење во фонтана или слични несоодветни работи? Знаете ли дека Аргентинците, според истражувањата, се познати како туристи кои најчесто крадат работи од хотелските соби?

Ова го прават и гостите од Сингапур, а најсигурни сте со туристите од Хонгконг.

Сепак, сега се фокусираме на туристите кои ниту еден домаќин не ги обожава:

Кинези

Кинеските туристи се склони кон вербално навредување на персоналот во авионот, вандализам на археолошки локалитети и уринирање на јавни места.

Сепак, со оглед на големината на оваа нација и со оглед на тоа дека во 2016 година 122 милиони Кинези патувале во странство, доволно е само неколку проценти да се однесуваат безобѕирно и веќе ќе остават впечаток на „лоши кинески туристи“.

Британци

Британците се сметаат за пријателски, внимателен и љубезен народ, но кога патуваат сакаат да „пијат малку повеќе“. Често можат да се видат како трчаат голи низ улиците.

Освен тоа, многу светски медиуми пишуваат за измами од страна на британските туристи, кои лажат за труење од храна, барајќи надоместок од хотелите.

Германци

Правила се правила, но доколку менито е монотоно или нема тераса во собата, иако е наведена во брошурата, Германците ќе бараат надомест. Тие се толку сериозни во врска со одморот и патувањето што делува како да не знаат да се забавуваат.

Ако во брошурата пишува дека ќе добијат пијалаци и закуски додека патуваат од аеродромот до одморалиштето, тие ќе инсистираат на тоа.

Американци

Според стереотипот, типичен американски турист мисли дека секој треба да ги прави работите на свој начин. Доколку нешто не му одговара ќе се обиде да го купи со пари.

Руси

За руските туристи се вели дека имаат став „знаеме дека никој не нè сака и не ни е гајле“. Познавајќи го однесувањето на своите туристи во странство, Руското Министерство за надворешни работи дури направило брошура за однесување, повикувајќи ги своите граѓани да се однесуваат пристојно.

Дури 42 отсто од Русите ги сметаат своите сограѓани за најлоши туристи.

Се разбира, постојат груби и непристојни луѓе од сите националности, затоа не треба да имаме предрасуди, меѓутоа, ако ги прашате таксистите и хотелиерите за нивното искуство, ова се веројатно најлошите туристи во светот.

Ашера | Црнобело