Мајка го испратила аутистичното синче во авион со порака и 10 долари за тој што ќе седи до него – што добила за возврат?
- Детали
- четврток, 04 јули 2019
Го испратила синчето во посета на татко му, со 10 долари за оној кој ќе седи до него и порака дека може да стане нервозен - за возврат добила емотивна порака и донација.
Алекса го испратила 7-годишното синче Лендон да го посети неговиот татко во Портланд, но со оглед на тоа што момчето има аутизам, мајката знаела дека летот може да биде тежок за него, па го подготвила добро.
Како и секој родител, таа била загрижена како ќе го поднесе летот, па му дала на синот порака и 10 долари, кои момчето требало да ги даде на патникот кој ќе седи до него во авион.
Она што се случило подоцна, го стоплило нејзиното срце и е потсетник дека уште постојат добри луѓе во светот.
„Денес син ми првпат леташе до Орегон да го види татко му. Го пратив Лендон со порака која требаше да ја даде на кој и да седи до него, во која пишува дека има аутизам и дека може да стане нервозен и да прашува често – дали стигнавме , па замолив да му помогнат да се чувствува безбедно, со 10 долари во пораката.
А, еве што добив - многу сум благодарна на овој човек и на тоа што уште постојат луѓе кои се разликуваат. Ти благодарам Бен! – напишала мајката на Фејсбук.
Today my son took his first flight to Oregon to see his dad. I sent Landon with a letter to give to whoever sat next to...
Posted by Alexa Bjornson on Thursday, 27 June 2019
Пораката која ја добила за возврат гласи:
„Алекса,
Моето име е Бен. Јас седев до Лендон на неговиот лет до Портланд. Тој навистина праша неколкупати дали стигнавме, но беше одличен сопатник. Си поминавме одлично и игравме неколку рунди лист-камен-ножички.
Тој е одлично дете, а ти си среќна мајка. Ги ценам 10-те долари, но немало потреба од тоа. Ги донирав во Autism-Society.org во чест на Лендон.
Имајте убав ден!“
Приказната за ова прекрасно дело вирално се проширила, а коментарите на луѓето од цел свет се доказ дека вербата во човештвото и хуманите луѓе може да се врати, бидејќи многумина ја имаа загубено.
Во светот навистина постојат уште добри луѓе и се надеваме дека ваквите случаи ќе бидат почести и ќе живееме во свет каде сите ќе бидат прифатени и ќе живеат среќен живот каков што заслужуваат.
Би можело да ве интересира:
