Храбра девојка дала отказ, го „откачила“ момчето и тргнала на пат околу Америка
- Детали
- понеделник, 23 декември 2019
Сигурно барем еднаш сте посакале да оставите сè зад вас и да започнете нов живот, овојпат следејќи ги сите ваши соништа и страсти.
Сиднеј Фербраш сонувала за ова, и еден ден решила сонот да го направи реалност.
Денес, 24-годишната девојка патува ширум Америка со нејзиното комбе и нејзиното куче. Таа дури си има и работа со полно работно време, што ја работи од нејзиниот лаптоп.
Сиднеј е инспирација за сите потенцијални авантуристи, па не е ни чудо што нејзината приказната стана вистински хит на интернет.
Сиднеј е од Индијанаполис и откако му раскинала на момчето, сакала да му покаже на светот дека и жените можат да патуваат сами. Или барем во друштво на нивното куче.
Првото соло патување на оваа храбра девојка било до Јужна Африка.
„Си реков не ми е гајле, ќе одам сама. Истражував многу за безбедноста и жените во Јужна Африка и патував од Кејптаун до Јоханесбург три и пол недели.“
Нормално, нејзините родители биле преплашени, но Сиднеј верувала дека сѐ ќе биде во ред.
„Кога се вратив дома, реков дека сум способна да направам што било. Тоа беше моето прво соло патување и навистина ми го промени животот.“
После патувањето во Африка, Сиднеј тргнала на пат со нејзиниот тогашно момче. Во септември 2017-та тие купиле комбе Mercedes Benz Sprinter за 18.000 долари. Реновирањето ги чинело околу 10.000 долари.
Сепак, набрзо потоа Сиднеј го напуштила момчето бидејќи наводно, не си одговарале и имале сосема различни соништа.
Тој период младата девојка имала три работни места, штедела пари за ново комбе и направила веб-сајт за нејзиниот начин на живот. Во септември 2018-та била подготвена повторно да тргне на пат.
Овојпат, таа си нашла нов придружник – златниот ретривер Ели. Оттогаш, Сиднеј и Ели имаат посетено над 20 држави во Америка.
„Секогаш велам дека ова е 3 до 5-годишен план. Има поминато повеќе од една година, а можеби 2 години од сега ќе сфатам дека сакам постојано да го правам ова. Ниту еднаш не сум се посомневала во одлуката. Нема место на кое би сакала да запрам во иднина. Сепак, не сакам ни да се тврдам дека морам постојано да патувам“, вели девојката за нејзиниот подвиг.
Сиднеј неретко добива прашања за тоа како се снаоѓа финансиски, а многумина ја критикувале дека ги користи парите на нејзините родители. Сепак, како што напоменавме, Сиднеј имала 3 работи за да заштеди за оваа авантура, а и сега работи со полно работно време.
Доколку имате во план некоја ваква авантура, оваа девојка нека ви служи како инспирација. Изглед дека навистина секој може да направи сè, штом вистински ќе го науми тоа.
Би можело да ве интересира:
Препорачуваме
Најчитани неделава
