Природата во Австралија се враќа во живот после пожарите (фото)

Детали

петок, 10 јануари 2020

Додека пожарите во Австралија сè уште дивеат, на Facebook осамнаа неколку фотографи што даваат нова надеж.

Мери Вурвинд е фотограф и во неделата шетала низ Кулнура, област во Нов Јужен Велс, кога ги забележала првите знаци на живот по пустошот на пожарите.

46-годишната фотографка вели дека фотографиите се направени на само 5 километри од нејзиниот дом.

„Не ми се веруваше кога сфатив дека природата се враќа во живот само 3-4 недели после пожарите. Во тој момент почувствував надеж.“

Мери ги направила фотографиите со фотографот Мјуреј Лоу кој, пак, ги објави на Facebook. Неговата објава има над 40.000 споделувања, а повеќето коментари ја покажуваат неизмерната радост на луѓето.

„Дури и без дожд, животот цути од изгорените стебла на дрвјата и животниот циклус започнува одново“, стои во неговата објава.

Мјуреј дури и ги продава фотографиите, а дел од заработката ја донира за жртвите од пожарот.

Пожарите во Австралија горат со ист интензитет, но овие фотографии ни даваат барем трошка надеж дека не е сè изгубено.

Спирова С. | Црнобело