Бесмислен тренд: Инстаграмџии го злоупотребуваат #коронавирус за повеќе лајкови
- Детали
- вторник, 04 февруари 2020
Во последниов период, сите се загрижени за брзото ширење на коронавирусот, а Инстаграмџиите не пропуштија шанса да го искористат ова за да си соберат лајкови.
Голем број заболени од коронавирус ги загубија животите, други пак, се борат за живот, а трети, ги жртвуваат своите за да им помогнат на заболените.
https://www.instagram.com/p/B8JIvjrAm1F/
Но, постојат и многу несовесни луѓе кои одлучуваат да ја искористат оваа чувствителна и сериозна тема за свои, односно за Инстаграм цели.
Иако дел од нив навистина сакаат да ја покажат загриженостa и да им посочат на луѓето да бидат внимателни, сепак објавувањето кул фотки со маска и ставање неколку хаштагови не е начин.
Разголени фотки со маски и добро осмислени пози на убави места со маска на лице – сигурно ли само сакаат да упатат апел или сепак само сакаат да соберат повеќе лајкови?
Некои пак, дури се способни и да направат невкусни шеги на сметка на вирусот, само за да стекнат популарност, на бизарен начин.
А, постојат и такви кои ставаат фотки неповрзани со вирусот, но го користат хаштагот #coronavirus за нивната фотка да биде прикажана на што повеќе корисници.
Очигледно некои луѓе никогаш нема да ги сфатат работите сериозно и сè ќе гледаат низ призмата на Инстаграм - за лајкови и за невкусни шеги...
М. М. | Црнобело
Би можело да ве интересира:
Препорачуваме
Најчитани неделава
