Семејство во кое децата имаат мали куќички наместо своја соба (фото)

Детали

петок, 14 февруари 2020

Нема ништо подобро од моментот кога ќе си дојдете дома после напорен ден на работа.

Уште подобро е ако имате соба што е само ваша, каде што ќе можете да одморите на раат.

Нo како би изгледало наместо соба, секој од семејството да има по една мала куќичка?

Семејството Бринкс го направило токму тоа.

Ова семејство има 6 куќи, сите со големина од околу 14 метри квадратни. Целта на оваа идеја им била сите да имаат повеќе приватност и простор само за себе.

Сè започнало пред 5 години, кога семејството купило имот во Кентаки. Најпрво, таткото сакал сите да живеат во една голема куќа, но мајката инсистирала да имаат посебни куќички.

Покрај тоа, сфатиле дека на овој начин трошат многу помалку за греење и струја, па идејата им се чинела совршена.

4-членото семејство има 6 куќички – една за родителите, две одделни за децата, куќичка со тоалет, куќичка со базен и куќа за гости.

Куќата на родителите чинела околу 9.000 долари и е најголема од сите.

Дневната соба е навистина удобна и со многу природна светлина, а кујната е добро опремена и има место за сè.

Во тоалетот, иако е мал, имаат и када.

Собите на децата се опремени со голем кревет, кауч и телевизор, а имаат и горен кат како галерија.

Една куќичка е направена и како канцеларија, бидејќи родителите работат од дома.

Дали би живееле со ваков распоред во вашето семејство, или повеќе сакате да сте собрани „на купче“?

Извор