Хуман гест: Блогери собраа 4 милиони евра за нов оддел за интензивна нега во Италија

Детали

понеделник, 23 март 2020

Италијанската блогерка Кјара Ферањи и нејзиниот сопруг пред неколку недели почнаа да собираат пари за да ѝ помогнат на својата земја во борбата против корона вирус – благодарение на нив и луѓето од цел свет, отворен е нов оддел за интензивна нега.

Италија со сите сили се бори во борбата против корона вирусот кој зема голем замав во земјата, а Италијанците ја покажаа својата хуманост и желба да помогнат, но и целиот свет.

Кјара Ферањи и нејзиниот сопруг Федез се во домашен карантин и секојдневно ги забавуваат граѓаните мотивирајќи ги да останат дома.

Но, освен тоа, пред 2 недели тие почнаа да собираат донации од луѓе, а денес официјално покажаа за што се искористени парите.

„Пред 2 недели со Федез отворивме страна на GoFundMe за да собереме пари за нов оддел за интензивна нега кој ќе се изгради пред крајот на месецот. 2 недели подоцна, новиот оддел за интензивна нега е подготвен и почнува да ги прима првите пациенти од covid-19 денес.

Ви благодариме на сите донатори, кои беа преку 200.000 од цел свет и ни помогнаа да собереме 4 милиони евра. Има и добра страна на интернетот и добро е кога знаеш дека си помогнал. Ве молиме да продолжите да донирате за да се додадат повеќе кревети.“

Федез исто така изрази голема благодарност до сите оние кои донирале, но и до тие кои деноноќно работеле во изминатиов период за да го овозможат ова и објави фотки:

М. М. | Црнобело