Девојка тргна на пат кон Антарктикот, но заглави во „карантин со пингвини“

Детали

петок, 27 март 2020

Наместо во својот дом, таа е во карантин на брод од каде има поглед кон јата пингвини и прекрасна природа.

Едвина Харт е девојка која обожава да патува, па како дестинација овојпат го одбрала Антарктикот.

Таа се качила на брод од Чиле, патувањето започнало, но потоа границите на Јужна Америка биле затворени поради светската пандемија на корона.

Моментално Едвина се наоѓа во близина на Фолкландските Острови, каде живее голема популација на пингвини. Таа живее на брод и на шега вели дека е во карантин со пингвини.

Инаку вели дека со бродот минале низ поларни реони во кои парчињата мраз изгледале како кристални скулптури кои излегуваат од водата.

Кога тргнала на оваа авантура кон Антарктикот имало само еден регистриран случај на корона во Јужна Америка и Едвина не очекувала дека ситуацијата ќе тргне во ваква насока и дека границите ќе бидат затворени.

Луѓе во специјална опрема им донеле залихи храна на бродот, а Едвина заедно со другите патници, наместо да очајува што се заробени, ужива секојдневно во утринска јога, забавни игри, цртање, џакузи на отворено, караоке, како и предавања за животот во поларните реони.

Бродот ќе плови околу Фолкландските Острови уште неколку дена додека не добие дозвола за прикотвување, а Едвина вели дека е среќна што карантинот го минува на место со прекрасен животински свет и гледа како живеат јата пингвини.

Уште фотографии од популацијата пингвини на Фолкландските Острови:

С. С. | Црнобело