Девојка во Бразил загина откако ја фрлија на банџи без јажиња за заштита – падна од 40m висина, 6 осомничени се уапсени  

Детали

понеделник, 15 јуни 2026

На социјалните мрежи викендов вирално се ширea снимки од моментот кога неколку работници фрлаат девојка од мост на 40 метри висина за да скока на банџи во Бразил, но на неа веројатно нема никакви заштитни јажиња – загинатата имала 21 година, осомничените веднаш се уапсени.

Во последно време сè почесто сме сведоци на ситуации кои ни ја заледуваат крвта и нè тераат да се сомневаме во сите реквизити и забавни активности, кои се опасни по живот.

Деновиве вирално кружи снимка од страшна трагедија во Бразил поврзана со скокање на банџи.

На вознемирувачкото видео се гледа како неколку работници носат девојка до крајот на мостот „Скелетон“ во Сао Паоло и ја фрлаат надолу, но на неа нема прикачени никакви безбедносни јажиња.

На девојката веднаш ѝ била укажана медицинска помош, но за жал им подлегнала на повредите и го загубила животот на лице место.

Подоцна се откри дека станува збор за 21-годишната Мариа Едуарда Родригез де Фреитас, која работела во теретана, а неколку моменти пред фаталниот инцидент, споделила на Инстаграм дека ќе скока. 

Според пишувањата, на местото присутен бил и нејзиниот свршеник, на кој му се слошило откако посведочил на настанот, па медицинските екипи интервенирале.

На едно од видеата дури и се слуша како некој од страна довикува и укажува на јажињата, според локалните медиуми.

Веднаш била спроведена истрага и 6 лица биле уапсени, а полицијата истражува дали оваа активност се спроведувала без соодветни дозволи и дали имало пропусти во сигурносните системи.

Во еден од извештаите наводно стои дека веројатно причина за трагедијата е тоа што не била соодветно приврзана на системот за безбедност. 

Локалните медиуми споделуваат и фотографии од профилот на Инстаграм кој наводно е на нејзината мајка, а таа објавува фотографии од загинатата девојка и пишува: „Тоа проклето јаже те зема од мене, каква чест беше што ме нарекуваш мајка“

На социјалните мрежи исто така се споделува и старо видео, кое ја покажува истата активност на истиот мост, но со соодветни заштитни јажиња и појаси. 

М. М. | Црнобело