Семејство пронашло речиси 1 милион долари во црни ќеси за ѓубре

Детали

четврток, 21 мај 2020

„Горди сме што во нашата земја живеат толку чесни луѓе“, изјавија претставниците на полицијата за ова семејство.

Никогаш не знаете на што може да наидете во животот.

Емили Шанц, нејзиниот сопруг и двете деца се возеле по пат во нивната родна Вирџинија и се зачудиле кога виделе неколку црни ќеси оставени среде патот.

Застанале и ги ставиле ќесите во нивниот автомобил за да ги фрлат во контејнер. Мислеле дека станува збор за ѓубре.

Но, малку подоцна семејството открило дека всушност ќесите се полни со банкноти во вредност од речиси 1 милион долари. Тие биле уредно спакувани во пластични ќеси.

По откритието семејството го пријавило случајот кај локалниот шериф и парите ги предало на полицијата. Сега се врши истрага околу потеклото на парите.

„Неверојатно е што некој е толку искрен и подготвен да се откаже од милион долари, тоа е исклучително“, го пофали семејството еден претставник од локалната полиција.

С. С. | Црнобело / Фото: depositphotos.com