Нова драма помеѓу Северина и бившиот маж: „Таа го зема синот и никој не знае каде се веќе 9 дена“

Детали

вторник, 07 јули 2020

На драмите помеѓу Северина и Милан Поповиќ во врска со старателството на синот им нема крај – српските медиуми тврдат дека пејачката го земала синот и требала да го врати пред 9 дена, но не го враќа и не се јавува на телефон.

Веста дека Северина го изгуби старателството над синот ги погоди сите, а нејзините емотивни објави и интервју допреа до сечие срце.

Според судската одлука, таа има дозвола да го гледа Александар двапати неделно попладне, секој втор викенд и 2 недели за распуст, но сега наводно таа ја прекршила одлуката.

Српските медиуми се преплавени со вести дека Северина го „киднапирала“ синот.

„На почетокот на летниот распуст Александар помина 14 дена кај мајка му, која минатиот викенд требаше да го врати кај татко му. Таа не го направи тоа! Оттогаш поминаа 9 дена, а Северина се прави луда.

Со оглед на тоа што Милан има полно старателство над момчето, ова може да се смета за киднапирање. Никој не знае каде се Северина и Александар. Едно време беа кај неа во станот во Сплит и видени се на плажа. Поповиќ подоцна дознал дека некој ги видел во Загреб, а оттогаш им се губи трага.

Северина не одговара на повиците на Милан, ниту на неговиот адвокат. Тој пријави киднапирање на детето.“ – наведува извор за Informer.

Северина неколкупати наназад има изјавено дека се соочува со неправда и дека нејзиниот поранешен сопруг ја користи неговата моќ и врски кај надлежните против неа. Таа се жалеше дека одлуката на судот е неправедна и дека не заслужува такво однесување.

Потсетете се на Северина со трогателна исповед: „Молам да го видам моето 8-годишно дете“

Сепак, останува да видиме дали е ова вистина или уште една медиумска шпекулациска игра на Милан против пејачката.

М. М. | Црнобело