„Лицето ми беше двојно поголемо“ – 20-годишна девојка добила ужасна алергиска реакција откако сама си ги офарбала веѓите

Детали

петок, 06 ноември 2020

20-годишната Стефани Дејвис е доказ дека некои работи треба да се препуштат на професионелц - таа си создала сериозен проблем откако се обидела сама да си офарба веѓите, и тоа двапати.

Стефани секогаш посетувала салон за овој третман, а во 2018-та решила да проба да го направи сама. Но, од продуктот што го употребила ѝ се појавила алергиска реакција и отоци на целото лице.

Годинава, Стефани повторно се осмелила да го направи истото, но со друг продукт и повторно се нашла во иста ситуација. Кога завршила со фарбањето била навистина задоволна од резултатот, но следното утро повторно се разбудила со алергиска реакција и отечено лице, а состојбата толку ѝ се влошила, што морала да прими стероиди и антибиотици.

„Кога првпат сама ги офарбав веѓите, лицето ми стана двојно поголемо. Изгледав како некој да ме натепал. Не можев да се препознаам – изгледав како сосема друга личност. Не можев да ги отворам очите, а веѓите ми беа многу цврсти.

Сакам да изгледам убаво и секогаш носам шминка и вештачки трепки, но поради ова не можев да се шминкам цела недела.

Кога ги офарбав веѓите бев во ред. Малку ме чешаше во текот на ноќта, но не помислив дека е нешто сериозно. Следното утро не можев да ги отворам очите и од нив излегуваше нешто зелено, како да имав конјуктивитис.

Лицето ми беше многу отечено, а имав болки во грлото и ушите. Му се јавив на лекарот и тој ми стави силни стероиди за да ми ја смири реакцијата. Сето ова траеше една недела и не можев воопшто да излегувам.

Пред првата алергиска реакција редовно ги фарбав веѓите во салон. Вториот пат кога ги офарбав дома, пробав со друг бренд и кога го почувствував чешањето, помислив дека повторно ми се случува истото“.

Сега, Стефани вели дека никогаш повеќе нема да ги фарба веѓите, особено не сама.

„Ова искуство ме натера целосно да се откажам од фарбањето на веѓите. Сега само ќе ги исцртувам“.

Иако денес постојат продукти за секакви третмани што можете да ги направите сами дома, искуството на Стефани е доказ некои работи треба да му се препуштат на професионалец.

Фарбањето на веѓите можеби звучи едноставно, но најдобро е да не се обидувате да го направите сами или барем прво да се консултирате со професионалец околу брендот на продуктот кој ќе го користите и постапката.

За среќа, Стефани поминала без посериозни последици, но сепак не вреди да се ризикува кога станува збор за вакви работи.

Спирова С. | Црнобело