Некои традиции не се менуваат: Елката од 22 метри пристигна во Рокефелер центарот во Њујорк како донација

Детали

понеделник, 16 ноември 2020

Традиционално, и оваа година Рокфелер центарот ја прогласи празничната сезона за отворена со пристигнувањето на новогодишната елка и објавија видео од процесот на пренесување на елката која ќе биде осветлена на 2-ри декември. 

И во годината која донесе многу предизвици и нѐ спречи да живееме како што сакаме, некои традиции не се менуваат, а една од нив е прогласувањето на божиќната сезона во Њујорк со огромна елка на плоштадот во Рокфелер центарот.

Секоја година, почетокот на празничната сезона во Њујорк го означува пристигнувањето на огромната елка која го краси Рокфелер центарот.

Елката, која претставува симбол на надеж, оваа година е висока речиси 23 метри, а е донација од сопственици на продавница во Онеонта, и од нивниот двор до Менхетн била носена со придружба од полицијата.

„На многу луѓе им е потребна надеж оваа година заради ковид-19, а нас ни беше чест да ја донираме. Со надеж дека ќе донесе радост во животот на луѓето оваа сезона. Не верував дека дрво кое стои во мојот двор може да донесе радост кај толку многу луѓе.“

Новогодишната елка, која секоја година има огромен број сијалички и Сваровски ѕвезда на врвот, ќе биде осветлена на 2-ри декември 2020-та.

М. М. | Црнобело