Почина Мустафа Надаревиќ, познат по улогата на Изет Фазлиновиќ - колегите од регионот се збогуваат

Детали

недела, 22 ноември 2020

Весна Петрушевска, Раде Шербеџија и колегите од регионот му оддадоа почит на Мустафа Надаревиќ, кој почина на 77-годишна возраст, за помладите генерации познат по улогата на Изет Фазлиновиќ, а постарите го знаат по богатата актерска кариера на филмското платно и театарската сцена.

Денес регионот изгуби уште една актерска легенда, а социјалните мрежи се преплавени со тажната вест за Мустафа Надаревиќ.

По кратко боледување, актерот кој неодамна бил пуштен од болница и времето го поминувал дома заради актуелната пандемија, ја изгуби битката со ракот на бели дробови.

На почетокот на годината тој проговори за искуството со болеста, но во тој период се чувствувал добро и немал дополнителни компликации.

На почетокот на март, во Сараево актерот почна да снима нови епизоди за серијата „Луд, збунет, нормален“, коe поради пандемијата беше прекинато, а тој се врати во Загреб, каде помина најголем дел од животот.

Мустафа зад себе остави богата актерска кариера на филмското платно и театарската сцена, тој беше легендарен југословенски актер, а помладите генерации го памтат по комичната улога на Изет Фазлиновиќ, кој успеваше секогаш да нѐ насмее со своите досетки и појава.

Во текот на долгогодишната актерска и режисерска кариера, Мустафа има освоено бројни награди.

Актерите во регионот изгубија драг колега, а Весна Петрушевска објави фотографија од него со цитат и во описот напиша: 

Мустафа Надаревиќ беше брилијантен на сцена, онаму каде е најважно, во театарот.Секогаш кога го гледав на сцена ми застануваше срцето?

Познатите од регионот исто така се огласија:

Раде Шербеџија за Jutarnji list:

„Тешко ми е да кажам што било. Пред два дена зборував со него, често му се јавував, се слушавме на телефон откако е болен. Секогаш беше весел, се смееше и викаша Чувај се, како него да не му е ништо. Беше прекрасен човек и кум на мојот Данило. Бевме цимери како млади. Многу го сакав. Посебен актер.“

Моамер Касумовиќ (актерот кој го глуми Дамир во „Луд, збунет, нормален“)

Марко Петриќ

Тарик Филиповиќ

Во продолжение потсетете се на некои од најдобрите сцени во серијата „Луд, збунет, нормален“:

https://www.youtube.com/watch?v=9CgNqgbmQbc

https://www.youtube.com/watch?v=4L_GbIaQzO8

М. М. | Црнобело