Драматична глетка: Моќни фотки и видеа од ерупцијата на Етна во Италија

Детали

четврток, 21 јануари 2021

На 17-ти јануари еруптираше најактивниот вулкан на Земјата, Етна во Италија. Ерупцијата не предизвикала никаква штета, но оние кои се нашле во близина направиле неверојатни фотки и видеа.

Во неделата, 17-ти јануари, повторно еруптираше можеби најактивниот вулкан на Земјата – Етна во Италија. Најпрво лавата почнала да излегува од југоисточниот кратер, а до понеделникот вечерта кратерот еруптирал, испуштајќи лава, пепел и жежок гас. Властите ги предупредиле околните градови да бидат внимателни, бидејќи пронашле отпад од вулканот на растојание од околу 28 километри.

Вулканот Етна често се активира, но на краток период, а последната голема ерупција беше во 1992-ра. Сепак, овојпат ерупцијата претставувала мала закана за околните жители.

https://www.youtube.com/watch?v=XUc6BrMe7wg

Лоциран на островот Сицилија, Етна е стратовулкан со висина од околу 3.500 метри. Тој е најголемиот активен вулкан во Европа со четири кратери, од кој „најновиот“ се формираше од ерупција во 1978-ма.

Етна има можеби најдолга историја со ерупции од кој било друг вулкан, од кои првата била документирана во 425 п.н.е. Според записите на Римјаните, во 122-ра година п.н.е. ерупцијата била толку голема, што го блокирала сонцето неколку дена. Една од најголемите ерупции се случила во 1669-та година, при што загинале 1.500 луѓе.

Вулканот е речиси постојано активен, но повеќето ерупции се мали и не претставуваат никаква закана за околните жители.

За среќа, од последната ерупција нема повредени, ниту некоја сериозна штета, но оние кои се нашле во близина направиле неверојатни фотки и видеа:

Повеќе фотки и видеа на следната страница...