Финска повторно е најсреќната држава во светот, Македонија падна за неколку места вo споредба со лани

Детали

петок, 19 март 2021

Деновиве беше објавен најновиот извештај од страна на World Happiness Report, во кој државите ширум светот се оценуваат според неколку критериуми, со цел да се открие во која живеат најсреќните жители. Новиот извештај користи податоци од 2020-та година.

Како што нагласуваат од World Happiness Report, овогодишниот извештај е поразличен од кој било. На тимот кој стои зад извештајот му било особено тешко да ги прави анкетите поради пандемијата, а од истата причина, голем број држави се спуштија неколку места подолу на листата.

Исто како и претходната година, Финска повторно важи за најсреќната држава во светот. Македонија, од друга страна, се спуштила за неколку места. Односно, според извештаите од минатата година, Македонија се наоѓаше на 66-то место, а во најновиот извештај – на 75-то место.

На сајтот е објавен и индекс на среќа во периодот 2018-2020, а овде имаме уште полоша положба. Од сите држави во светот, Македонија се наоѓа на 94-тото место.

20-те најсреќни држави според најновиот извештај на World Happiness Report:

1. Финска

2. Исланд

3. Данска

4. Швајцарија

5. Холандија

6. Шведска

7. Германија

8. Норвешка

9. Нов Зеланд

10. Австрија

11. Израел

12. Австралија

13. Ирска

14. САД

15. Канада

16. Чешка

17. Белгија

18. Велика Британија

19. Кина

20. Франција

Спирова С. | Црнобело