„Живееме на трoпски остров со 100 плажи и 30˚C, но постои мрачна страна - бездомните кучиња“

Детали

четврток, 26 февруари 2026

„На Маурициус практично живееме надвор. И храната е неверојатна. Има многу штандови со свежа риба и пазари полни со вкусно овошје и зеленчук... Но, туристите ќе ги згрози бројот на бездомни кучиња, проблем кој низ годините се решаваше на многу суров начин...“, споделуваат луѓе кои одлучиле овој остров да им стане дом.

Адам Шорт (45) од Велика Британија и сопругата Тара (39) со двата сина се преселиле на прекрасниот остров Маурициус.

Наместо турбулентно работно темпо, тие сега водат побавен живот во тропски рај.

„Отсекогаш сакавме да живееме на сончево место. Нашите синови имаат пет и девет години и по училиште одат директно на плажа.

Практично живееме надвор.

И храната е неверојатна. Има многу штандови со свежа риба и пазари полни со вкусно овошје и зеленчук.“

Таму се преселиле и пензионираниот инженерски консултант Марк Томсон (66) од Шкотска и неговата сопруга Карен (60).

Тие велат:

„Имаме околу 44 плажи во радиус од 20 километри од нашиот дом на североистокот од островот.

Се обидуваме да посетиме што е можно повеќе.

Исто така, се запознаваме со локалната култура и бевме на неколку концерти. Музиката е мешавина од фанк, блуз и реге, иако не разбираме многу бидејќи сè е на креолски, атмосферата е неверојатна.

Она што пресуди за Маурициус беше неговата неверојатна убавина, релаксираниот ритам на живот и чувството дека како да се враќаш назад во времето.

Животот тука е многу поедноставен...“

Но, и покрај бројните предности, постојат и негативни страни.

Хелен Морисон (58) од Велика Британија живее во Маурициус повеќе од пет години и советува луѓето добро да размислат пред да се преселат.

„Би им препорачала на сите да направат добро истражување и да бидат подготвени работите да бидат поинакви.

Здравственото осигурување е неверојатно скапо и многу работи не можат да се завршат онлајн.

Ако сакате да го регистрирате автомобилот, ќе поминете цел ден чекајќи во ред во Националната транспортна агенција, а Амазон не работи тука.

Исто така, стандардите за возење се многу лоши, со многу агресивни возачи.

Исто така има многу бездомни кучиња. Шокантно е да ги гледаш како слободно шетаат по улиците или лежат по плажите.

За туристите, можам да замислам дека е одбивно“.

Продолжува на следната страница...