Стјуардеса на суперјахти со детали за богаташите и мрачната страна - стигнала и до Црна Гора, плата 7.000 евра

Детали

вторник, 31 март 2026

„Најлудото нешто во работата на суперјахти не е луксузот, туку тоа што се случува кога екстремно богатите мислат дека никој не ги гледа“, ја започнува својата приказна Раиса Белини (37) од Италија.

Раиса Белини (37) потекнува од Италија, а сега живее во Мајами, но 5 години работела како стјуардеса на суперјахти кои пловеле низ Медитеранот.

Таа патувала до познати дестинации како Италија и Ибица, сè до Црна Гора, каде се дружела со ултрабогати луѓе, додека тие се опуштале и правеле изненадувачки работи.

Белини има искуство со многу милијардери и за DailyMail открива какви се богатите луѓе кога ќе излезат на отворено море.

Белини вели:

„Најлудото нешто во работата на суперјахти не е луксузот, туку тоа што се случува кога екстремно богатите мислат дека никој не ги гледа.

Се сеќавам на едно крстарење каде милијардер се обиде да ѝ даде бакшиш од 5.000 долари на стјуардеса само за да го внесе тајно во кабина за екипаж, додека неговата сопруга се сончаше на палубата.

Другпат, забавата излезе од контрола до таа мера што капетанот мораше тивко да го прекине патувањето, откако гостите почнаа да се тепаат и да фрлаат мебел во три часот наутро.

Во една пригода, еден гостин стана толку агресивен кон помлада членка од екипажот што обезбедувањето мораше да стои цела ноќ пред ходникот за да ја заштити.

На море сте изолирани, а овие луѓе плаќаат стотици илјади неделно, па екипажот мора внимателно да управува со ситуациите, без да создаде скандал...“

Таа вели дека тоа е мрачната страна на суперјахтите, за која ретко се зборува – екстремен луксуз однадвор, но интензивна и понекогаш хаотична реалност внатре.

Белини ја започнала кариерата во 2016 година на јахта Ferretti, а подоцна работела и на поголеми мега и суперјахти.

Посетила дестинации како Сен Тропе, Монако, Миконос и Црна Гора, а сезоните обично траеле од април до октомври, со долг работен ден и минимално слободно време.

Продолжува на следната страница...