Во Србија почнува производството на руските вакцини против корона вирусот Спутник V

Детали

четврток, 15 април 2021

Во институтот за вирологија Торлак во Белград, Србија, почнува производството на руските вакцини Спутник V, пренесуваат српските медиуми.

фото: freepik

Српските медиуми пренесуваат дека во институтот Торлак во Белград почнува производството на руските вакцини Спутник V, кои во иднина би можеле да се извезуваат во соседните и во државите од регионот. Веста беше споделена и на официјалниот Твитер профил на Спутник V.

Од Рускиот фонд за директни инвестиции соопштија:

„Рускиот фонд за директни инвестиции и институтот за вирологија и вакцини Торлак го најавуваат почетокот на производството на руските вакцини против корона вирусот Спутник V во Србија. Со ова, Србија стана првата држава во јужна Европа која ќе ја произведува Спутник V. Производството во Србија е во согласност со најстрогите стандарди“.

Веста ја сподели и Ненад Поповиќ, министер задолжен за иновации и технолошки развој:

Инаку, во Србија над 1,8 милиони луѓе ја добија првата доза, а ревакцинирани се над 1,2 милиони со вакцината против ковид од разни производители.

Спирова С. | Црнобело