„Ова е понижување“: Меган и Хари без дозвола ја крстиле ќерката како кралицата + дали ќе ја запознаат Лилибет со семејството?


„Ова е понижување“: Меган и Хари без дозвола ја крстиле ќерката како кралицата + дали ќе ја запознаат Лилибет со семејството?

Името на ќерката на Хари и Меган – Лилибет Дијана Маунтбатен-Виндзор – е одбрано во чест на кралицата Елизабета и принцезата Дијана и иако беше споделено дека тие побарале дозвола од кралицата, ова било лага и таа била непријатно изненадена. Други извори, пак, велат дека кралицата е пресреќна, па дури и дека веќе ја запознала нејзината пра-внука онлајн.

ova-e-ponizhuvanje-megan-i-hari-bez-dozvola-ja-krstile-kjerkata-kako-kralicata-dali-kje-ja-zapoznaat-lilibet-so-semejstvoto-01 (2).jpg

Извори блиски до Меган и Хари споделија дека парот побарал дозвола од кралицата за да го корист името Лилибет – нејзиниот прекар од детството. Но, извори блиски до кралицата го негираат оваа.

Наводно, Меган и Хари воопшто не спомнале дека планираат да го искористат името Лилибет. Според изворите, кралското семејство не ни знаело дека Меган и Хари добиле дете сè додека веста не беше споделена на нивниот веб-сајт.

„Можеби Хари зборувал за можните имиња, но дефинитивно ѝ нема кажано на кралицата дека ќе ја крсти ќерката Лилибет“, вели еден од изворите за Good Morning Britain.

Според кралскиот автор Фил Дампиер, Лилибет е многу лично име за кралицата, па Меган и Хари дефинитивно требало да се консултираат со неа за ова.

ova-e-ponizhuvanje-megan-i-hari-bez-dozvola-ja-krstile-kjerkata-kako-kralicata-dali-kje-ja-zapoznaat-lilibet-so-semejstvoto-06.jpg

Кралицата го добила прекарот Лилибет од нејзиниот дедо, кралот Џорџ, кој се шегувал бидејќи таа не можела да го изговори името Елизабета додека била мала.

Подоцна и нејзиниот сопруг, принцот Филип, почнал да го користи ова име за кралицата. Всушност, многу мал број луѓе од блиското семејство на кралицата имаат дозвола да ја нарекуваат Лилибет.

„Тоа е посебно име за кралицата и сметам дека ова е понижување. Навистина верувам во тоа. Сметам дека кралицата не е среќна поради ова бидејќи тие се однесуваа многу лошо кон неа. Ова не е добра идеја. Ова е многу неучтиво кон нејзиното височество“, вели изворот близок до кралицата.

ova-e-ponizhuvanje-megan-i-hari-bez-dozvola-ja-krstile-kjerkata-kako-kralicata-dali-kje-ja-zapoznaat-lilibet-so-semejstvoto-02.jpg

Сепак, и покрај сите скандали со Меган и Хари, некои извори тврдат дека тие се во добар однос со кралицата. Некои извори дури тврдат дека тие веќе ја запознале Лилибет со кралицата преку видео повик:

„Беа многу возбудени и едвај чекаа да ѝ кажат на кралицата дека добија дете“, тврди извор за Daily Mail.

Прочитајте повеќе: Кралското семејство со формални честитки за Меган и Хари + фотки од членовите на кралското семејство како бебиња

Наводно, Меган и Хари ја побарале кралицата веднаш штом се вратиле од болница, за да ѝ ги соопштат убавите вест и веднаш да ја запознаат со нејзината пра-внука.

Истовремено, изворите тврдат дека кралицата го поканила Хари на вечера во замокот Виндзор, по церемонијата за откривање на нова статуа на Дијана која треба да се случи следниот месец.

ova-e-ponizhuvanje-megan-i-hari-bez-dozvola-ja-krstile-kjerkata-kako-kralicata-dali-kje-ja-zapoznaat-lilibet-so-semejstvoto-05.jpg

Иако повеќето ги критикуваат Меган и Хари за користењето на името на кралицата без дозвола, некои кралски експерти сметаат дека ова е прекрасен гест и можеби ќе ја смири ситуацијата помеѓу младиот пар и кралското семејство.

„Можеби Хари не побара дозвола, но тоа беше убаво изненадување. Можеби ова име ќе има закрепнувачки моќи. Ова е тежок период, кога на виделина се појавија многу работи и кралското семејство беше обележано како расистичко. Па, сметам дека изборот на името е добар гест во оваа ситуација“, вели извор за Daily Mail.

ova-e-ponizhuvanje-megan-i-hari-bez-dozvola-ja-krstile-kjerkata-kako-kralicata-dali-kje-ja-zapoznaat-lilibet-so-semejstvoto-03.jpg

Некои извори, пак, велат дека Хари сакал да го искористи името Лилибет ако има ќерка, и тоа уште пред да ја запознае Меган. Наводно, тој уште тогаш зборувал со кралицата за ова, а таа била воодушевена од идејата.

Дури и ако ова е вистина, тогаш ситуацијата била многу поразлична, па кралските експерти се убедени дека Меган и Хари сепак морале да побараат дозвола.

ova-e-ponizhuvanje-megan-i-hari-bez-dozvola-ja-krstile-kjerkata-kako-kralicata-dali-kje-ja-zapoznaat-lilibet-so-semejstvoto-04.jpg

Спирова С. | Црнобело

Би можело да ве интересира:

Таа имала 14 години, а тој 18 кога станале родители за првпат - сега имаат 21 дете Откако открија дека на 13 години забременила за прв пат, најголемото семејство в...
Семејство пронашло речиси 1 милион долари во црни ќеси за ѓубре „Горди сме што во нашата земја живеат толку чесни луѓе“, изјавија претставниците...
„Син ми (5), игра видео игри по 6 часа на ден – но, барем е мирен и не морам да го набљудувам постој... Минатата година предизвика бурни реакции кога се дозна дека таа се вози во прва ...

Најчитани неделава

sonovnik-sidebar.jpg