„Мислат дека 'трчам' по неговите пари“ – Жена (26) критикувана за момчето (42), родителите ја поддржуваат

Детали

четврток, 08 јули 2021

26-годишната Шинед и 42-годишниот Даниел се во врска, но често се соочуваат со критики поради возрасната разлика. Сега Шинед сака да му покаже на светот дека големата возрасна разлика помеѓу партнерите треба да биде најнормално нешто штом станува збор за две возрасни личности.

Шинед Варнес има 26 години ѝ е мајка на две деца, а моментално е во врска со маж кој е 16 години постар од неа – 42-годишниот Даниел Лонг.

Младата мајка вели дека редовно слуша секакви критики и навреди поради нивната врска, но смета дека штом некој е возрасен, може да биде во врска и со многу постара личност.

Истовремено, Шинед вели дека врската со постар маж е многу похармонична, за разлика од врска со некој на нејзина возраст.

Шинед има ТикТок профил каде што често споделува видеа од неа и нејзиниот сакан, како и детали од нивното секојдневие.

„Привлечен ми е, а нашите карактери одлично се совпаѓаат – ниту еден од нас не се грижи за омразата што ја добиваме поради возрасната разлика. Всушност, постојано се смееме поради тоа“, вели Шинед.

„Луѓето буквално трошат време од нивните животи само за да го мразат мојот. Тогаш очигледно има нешто добро во врска со мојот живот штом сакаат да си го трошат нивното време со негативни коментари. Неколкумина ми имаат речено ’Сигурно си со него бидејќи има многу пари‘. Но, јас имам две работни места и ова не е воопшто точно“, открива Шинед.

Парот првпат се запознал во март 2020 година, кога Шинед ја фарбала оградата во нејзиниот двор, а Даниел застанал да ѝ помогне. Оттогаш поминале неколку месеци без воопшто да се видат, но на следната средба и двајцата сфатиле дека си се допаѓаат, па почнале врска.

„На почетокот навистина се двоумев поради возрасната разлика, но набрзо потоа почнавме да се согласуваме многу добро. Тој е многу поразличен од другите. Мислам дека тоа беше љубов на прв поглед“.

Шинед открива дека нејзиниот сакан бил многу позагрижен за тоа што ќе кажат другите за нивната возрасна разлика. Но вели дека сега го надминале тоа, а таа ја добила и поддршката од родителите.

„Тато секогаш ми вели дека на постарите мажи не им е само до забава и знаат што сакат од животот. Оваа врска е помалку стресна отколку со помлад маж. Тој сака сериозна врска, исто како и јас. Многу е приземјен, вработен е, а многу помлади мажи не размислуваат така“.

Покрај критиките на социјалните мрежи, парот неретко се соочува со злобни коментари и на улица.

„Многу луѓе зјапаат во нас. Неколкупати ни имаат дофрлено ’Дечко ти изгледа како да ти е татко‘. Но, јас сум со него и не ми е важно што мислат другите“.

Сега Шинед е на мисија да ги нормализира врските каде што помеѓу партнерите има поголема возрасна разлика. Таа смета дека штом станува збор за две полнолетни, возрасни личности, тие не треба да се чувствуваат лошо за нивната врска само затоа што разликата во години е голема.

„Мисла дека ова е нешто што треба да се нормализира. Треба да можам да споделам видео од мене и партнерот без да добијам прашање ’Колку е постар од тебе?‘ Луѓето гледаат дека тој е постар, но тоа не треба да биде нешто чудно“.

Спирова С. | Црнобело