Тајната љубовница на Путин која исчезна од јавноста пред две години, сега за првпат се појави со бурма (фото)

Детали

петок, 13 август 2021

За Алина Кабаева постојат шпекулации дека му е тајна љубовница и дека му родила близнаци на Владимир Путин, а пред две години целосно исчезна од јавноста и никој ја немаше видено - сега за првпат се појави, а бурмата разгоре дебата. 

За узбекистанската гимнастичарка Алина Кабаева (38) се тврди дека над 10 години е во тајна врска со рускиот претседател Владимир Путин (68) и дека му родила близнаци. Неа почнаа да ја поврзуваат со рускиот претседател во 2008-мата година кога таа беше Член на Парламентот од Владата.

За последен пат во јавност Алина беше видена во 2018-тата година кога го бранеше нејзиниот докторат. По 2018-тата година речиси никој и да не ја имаше видено во јавност.

Таа не даваше интервјуа, не учествуваше во ТВ програми, а дел од медиумите пишуваа дека станала мајка на близнаците на 30 години повозрасниот од неа Путин, но секако тоа се само шпекулации.

По две години пауза од појавувања, таа деновиве се појави за првпат во јавност во ТВ емисија.

Поранешната олмипијка се појави на телевизија со цел да ги критикува судиите во Токио што ѝ го одземале златниот медал на руската ѕвезда Дина Аверина во категоријата за ритмичка гимнастика. Она што сите го забележаа е дека Алина носеше бурма пред камерите.

Во новата изјава Алина застана само во одбрана на руската олимпијка и воопшто не се осврна на други моменти од нејзиниот живот.

Инаку, Алина е добитничка на златен медал на Олимпијадата за ритмичка гимнастика, двапати беше Светски шампион и трипати беше победничка на Европското Првенство.

Неа уште ја нарекуваат и „тајната прва дама“ на Русија, но за време на појавувањето на каналот Rossiya 1 никој не ѝ постави прашање за нејзината наводна поврзаност со претседателот.

Според руските медиуми, иако Алина никој речиси и да не ја видел во последните две години, таа сега е бизнис жена и поранешна Претседателка на одборот на директори на „Националната Група на медиуми“.  

Според голем број Руси и медиуми, Алина е причината поради која Путин се разведе од неговата сопруга Људмила (63) во 2013-тата година, со која има две возрасни ќерки Марија и Екатерина и со која беше речиси 30 години во брак, но во една прилика Путин изјави:

„Имам приватен живот во којшто не дозволувам никој да ми се меша. Тоа мора да се почитува!“

Инаку, ова не е првпат Кабаева да биде забележана со веренички прстен, но досега нема никакви податоци дека таа стапила во брак.

Во 2017-та Кабаева се појави со провокативен прстен на вереничкиот прст кој се обидуваше да го сокрие од папараците.

Се шпекулира дека таа има свој возен парк со луксузни возила, а била забележана како влегува во едно московско кафуле опкружена со обезбедување.

Прочитајте и Никој не ја видел од 2019-та - каде е љубовницата на Путин, Алина Кабаева

Б. С. Б. | Црнобело