Фит Гркинка на Инстаграм порачува: „Да се има деца не е изговор да не се биде згоден“

Детали

сабота, 18 септември 2021

„И вие може да изгледате како мене, јас не сум поинаква од вас. И јас тренирам напорно и се справувам со тешкотиите во животот како и вие. Разликата е што јас преземам акција, а треба и вие“, порачува 28-годишната Гркинка.

Ники Зумпули (28) по потекло е од Грција, но моментално живее на Мајами, Флорида. Оваа фит Гркинка е мајка на 2-годишно девојче и сега изгледа подобро од кога било.

Таа тренирала напорно, но во бременоста поради компликации морала да сопре. По породувањето вели дека се чувствувала „слабо“ и безенергично, но полека си ја вратила силата.

Вели дека ги разбира жените кога тврдат дека е навистина тешко да се биде мајка, но од друга страна не ги поддржува тоа да им биде изговор за да не изгледаат добро.

Ники открива дека вежбањето дома ѝ помага и да ја гледа ќерка ѝ, да не ангажира бебиситерка, но и да работи на својата форма едновремено.

„Јас си направив мини теретана во гаражата поради тоа што се занимавам со фитнес, но реално потребни ви се само тегчиња и еластична лента“, вели таа.

Потоа додава дека сака нејзината ќерка да стекне добри навики од неа, односно со вежбањето и балансираната храна да ѝ биде пример.

Ники се породила во мај 2019 година и за време на бременоста качила 13 килограми. Таа има 175.000 следбеници на Инстаграм на кои постојано им споделува совети.

„До сите дами кои се борат со изгледот на своето тело – престанете да пронаоѓате изговори, грижата за себе нека ви биде приоритет и почнете да се сакате на начинот на кој заслужувате да бидете сакани.

И вие може да изгледате како мене, јас не сум поинаква од вас. И јас тренирам напорно и се справувам со тешкотиите во животот како и вие. Разликата е што јас преземам акција, а треба и вие.“

Таа на својот Инстаграм профил постојано споделува фотки како се вратила во форма:

С. С. | Црнобело