Трча планински маратони, има 78 години и е во топ форма – која е „најбрзата баба во светот“?

Детали

четврток, 14 октомври 2021

Барбара Примаковска од Полска има 78 години, но годините не ја спречуваат гордо да ја носи титулата „најбрзата баба во светот“. Трча планински маратони, но и маратони со скии. 

Барбара досега има освоено голем број медали на маратоните во светот, меѓу кои и во Токио, Бостон, Чикаго, Берлин, Лондон и Њујорк.

Таа целиот свој живот се занимавала со спорт, а работела како наставничка по физичко образование. Својот прв маратон го истрчала на возраст од 58 години и оттогаш е во постојана потрага по нови предизвици.

Како што вели отсекогаш се занимавала со спорт, скијање, тенис, пливање и лизгање, но трчањето дошло многу подоцна.

„На возраст од 58 години го истрчав мојот прв маратон во Краков. Беше многу топло, што не ми се допаѓаше. Мојот сопруг целата рута ја возеше со велосипед, а јас го истрчав овој маратон за 4 часа и 31 минута.

Резултатот беше мошне позитивен доколку се земе предвид мојата возраст и тоа ме натера да мислам дека можеби и не е толку лошо да учествувам во маратони“ – вели таа.

Во последните две децении, Барбара успеала да се искачи на Мон Блан и учествувала на повеќе скијачки манифестации низ Европа.

Титулата „најбрзата баба во светот“ ја доби откако истрча 7,8 km планински маратон од Закопане Полска со врвот Каспрови врв за само 1 час и 45 минути.

Освен што трча класични маратони, Барбара е активна и на планинските маратони, но и трча со скии.

За неа годините не се пречка, туку напротив, таа нема намера во брзо време да престане да бара нови предизвици и нови маратони.

Б. С. Б. | Црнобело/ фото: Facebook