Кои мерки ги воведуваат десетте најчисти градови во светот за да го намалат загадувањето?

Детали

недела, 19 декември 2021

Улиците во Копенхаген се чистат трипати дневно, а Фрајбург во Германија е познат како „градот на цвеќињата“ поради многуте зелени површини.

Додека голем број светски и европски метрополи имаат проблеми со загадувањето и со одржувањето на хигиената, неколку градови во Европа и во светот гордо се наоѓаат на листата на најчисти градови во светот.

Интересно е што повеќето градови на листата на „најчистите“ во светот се во скандинавските земји во Европа.

Во продолжение погледнете ја листата на десет најчисти градови во светот:

Копенхаген (Данска)

Водата во пристаништето на Копенхаген е толку чиста, што жителите може да се бањаат без страв од загаденост. Дополнително, улиците во градот се чистат најмалку трипати дневно.

Цирих (Швајцарија)

Цирих е познат по тоа што има мошне ефективен и чист јавен превоз. Луѓето избегнуваат да користат сопствени возила, па ги користат можностите да патуваат со јавниот превоз: бродови, автобуси и трамваи.

Осло (Норвешка)

Главниот град на Норвешка постојано воведува правила и изуми за да стане „позелен“. Градот пред неколку години воведе автобуси што користат гориво произведено од човечки фекалии.

Калгари (Канада)

Калгари беше прогласен за најчист град во светот во 2013-та година и сè уште настојува да биде меѓу најчистите во светот.

Во овој град има големи казни за непрописно фрлање отпад и воведени се посебни програми за рециклирање, како и поголем број еко-иницијативи.

Аделаида (Австралија)

Возилата имаат забранет пристап во дел од центарот на Аделаида. Во градот има зелени паркови на огромни површини, а околу 85% од отпадот се рециклира.

Продолжува на следната страница...