Тинејџер од Англија ги донира своите простетички нозе на сиромашно девојче од Гамбија, за да може да оди на училиште

Детали

среда, 12 јануари 2022

Браво, ваква младина ни е потребна! Момче од Англија, на кое му била ампутирана ногата на само 11 месеци, му го разубавува животот на сиромашно девојче од Гамбија.

Јуан Муреј е 14-годишен тинејџер од Англија кој е вистинска инспирација. Тој имал ампутација на нога како мал и оттогаш постојано носи простетичка нога.

Кога ќе ги надрасне нозете, тој ги подарува на сиромашно девојче од Гамбија, кое исто така нема нога.

Досега ѝ има подарено повеќе од 10 простетички нозе во текот на годините, за малата Вудех да може да оди на училиште.

Ампутацијата на ногата на Јуан била кога имал само 11 месеци затоа што неговата лева нога уште додека бил во стомакот на неговата мајка не растела правилно.

Тој иако нема нога денес е спортски активен, односно игра хокеј и трча со помош на простетичката нога.

Јуан со неговото семејство сака да им помогне и на други дечиња да си ги остварат своите соништа, како него, и затоа испраќаат апел преку хуманитарната организација „Legs4Africa“ што повеќе луѓе од Велика Британија да донираат простетички нозе за децата во Африка кои немаат финансии за да си купат.

Малата Вудех на која Јуан ѝ помага ја изгубила ногата на 3-годишна возраст кога автомобил удрил во неа.

„Простетичките нозе се многу скапи во Гамбија, па простетичките нозе од Јуан ѝ помогнаа на Вудех да може да оди на училиште и да си игра со браќата и сестрите. Јуан ѝ е идол на Вудех затоа што е спортски активен и самоуверен“, изјави мајката на Јуан.

С. С. | Црнобело