Стигна до 10 милијарди прегледи, не се знае кој ја напишал - Факти за заразната детска песна Baby Shark

Популарната детска песна за бебето ајкула и неговото семејство, Baby Shark, за првпат се појави во 2016-тата година, а сега стана првото видео на YouTube со 10 милијарди прегледи.

stigna-do-10-milijardi-pregledi-ne-se-znae-koj-ja-napishal-fakti-za-zaraznata-pesna-baby-shark-01.jpg

Во ноември 2020 година, Baby Shark стана најгледаното видео, а сега ја надмина неверојатната бројка од 10 милијарди прегледи. Оние што имаат мали деца знаат дека нема спас од Baby Shark.

Песната се слуша постојано, низ продавниците има играчки со познатите ликови од спотот, а на одредени телевизии веќе почна да се емитува и цртан филм со семејството ајкули.

Во продолжение проследете неколку интересни факти што можеби не сте ги знаеле за оваа песна:

Никој не знае кој точно ја напишал песната. Се претпоставува дека со години наназад песната се пеела како приспивна песна, пред 10-годишната Хоуп Сегоин да ја сними.

Според други информации се верува дека оваа песна редовно се пеела во летните кампови, а затоа што не била потребна музика, секое дете можело да ја пее.

Во 2016-та година јужнокорејската образовна продуцентска куќа „Пинкфонг“ ја објави најпознатата верзија на песната, а постојат и голем број други изведувачи што ја пеат истата песна.

Песната е мошне забавна за децата затоа што има ограничен речник и е мошне лесна за учење, а дополнително помага и тоа што има забавна и предвидлива музичка заднина. Освен тоа интересно е што со оваа песна, децата ги редат сите членови во семејството: бебе, мама, тато, баба, дедо…

Песната за првпат била пуштена во Германија во 2007-мата година. Песната Kleiner Hai беше малку помрачна од детската верзија и беше денс-хит кај тамошната публика.

Денес има Baby Shark предизвици каде родителите и децата го изведуваат познатиот танц, а се вклучени и зумба движења.

Б. С. Б. | Црнобело

Би можело да ве интересира:

„Работев напорно да ослабам, сега не сакам ниту да помислам да забременам и да добијам стрии“ „Самата помисла дека ќе добијам стрии и дека ќе се здебелам ме одвраќа од намера...
Жена од Австралија билa жртва на напад со метанол и палење - по 10 години и 200 операции помага на д... На само 26 години љубоморна жена ја нападнала со метанол и ја запалила, поради н...
„Сопругот е 23 години постар од мене - се вознемирувам кога ми велат дека сум со него заради парите ... „Луѓето велат дека сум со него заради неговите пари и дека ако тој бил обичен чи...

Најчитани неделава

sonovnik-sidebar.jpg