Емотивна приказна: Сопругот ѝ бил најголема поддршка додека се борела со ракот, сега го чекаат првото дете
- Детали
- сабота, 29 јануари 2022
„Знам дека ова нема да трае вечно. Пред нас се поубави денови“ – велеше Доминик Валентајн која со поддршка од сопругот се избори со ракот на дојката. Сега, 2 години подоцна парот го очекува своето прво дете, а нивното емотивно видео ги стопи срцата на многумина.
Доминик Валентајн од Њу Џерси (САД) во 2019-та година, на возраст од само 27 години за првпат почувствувала јазол на градите по што ѝ бил дијагностициран рак на дојка.
Со безрезервната поддршка на нејзиниот сопруг Маркус, Доминик успеала да ја победи злокобната болест и да помине 16 циклуси хемотерапија и операција за двојна мастектомија (отстранување на градите).
https://www.instagram.com/tv/CAhFX-ynkIA/?utm_source=ig_web_copy_link
Маркус и Доминик за време на нивната борба со ракот на дојка во неколку наврати давале изјави за локалните медиуми и ја споделувале сопствената приказна:
„Тоа што бев тука да ја поддржам беше најубавиот и најдобриот благослов, затоа што многу луѓе го немаат тоа“ – рече сопругот.
Додека Доминик сè уште се борела со ракот светот беше зафатен од светската пандемија со ковид поради што таа подолг период морала да биде сама во изолација, а нејзиниот сопруг не можел да оди со неа на хемотерапија.
На последниот ден од нејзината терапија, во април 2020-тата година, кога таа не можела да излезе и да прослави заради изолацијата, за да ѝ го подобри расположението, Маркус организирал парада со 25 автомобили во која биле сите нејзини блиски роднини и пријатели кои ѝ мавтале и ѝ дале поддршка за да издржи во борбата.
https://www.instagram.com/tv/B-vVL9En3Ds/?utm_source=ig_web_copy_link
Кога говореше за тоа што е она што ѝ дава сила да издржи и да се бори понатаму со злокобната болест, Доминик велеше:
„Тоа што знам дека ова нема да трае вечно. Тоа што знам дека ова не е крај и дека пред нас се поубави денови“.
Сега, две години подоцна Доминик и Маркус редовно споделуваат фотографии на нивниот Инстаграм профил каде имаат 113 илјади следбеници, а веќе го очекуваат и своето прво дете.
Видеото што тие го споделија во кое се гледа како заедно успеале да се изборат со злокобната болест и ги дочекаа среќните денови вирално се споделува на социјалните мрежи.
Погледнете го видеото:
Погледнете повеќе фотографии од Доминик и Маркус:
Б. С. Б. | Црнобело
Би можело да ве интересира:
Препорачуваме
Најчитани неделава
