Трудница од Малезија му подарила Lamborghini на сопругот – за сите непроспиени ноќи кога детето ќе се роди

Детали

среда, 16 март 2022

Трудница од Малезија го изненадува сопругот со  спортски автомобил вреден над 433.000 евра, а тој не може да ги сокрие солзите - но, со овој подарок таа очекува тој деноноќно да се грижи за нивното дете и да го буди навечер ако заспие кога детето ќе плаче.

Анес Ајуни Осман (19) од Малезија е бизнис-жена која стана интернет сензација откако на нејзиниот сопруг Велдан Зулкефи му подари Lamborghini Huracan Evo вредно над 433.000 евра.

Вирално се прошири видеото во кое го носи нејзиниот сопруг во салон на Lamborghini, му ги покри очите и му го покажа новиот автомобил спакуван со црвена панделка.

На видеото се гледа како нејзиниот сопруг силно ја прегрнува сопругата и со солзи во очите ги зема клучевите од новиот автомобил.

„Му подарувам Lamborghini затоа што сакам да биде со мене постојано. Очекувам мојот сопруг да се грижи за бебето деноноќно затоа што има голема можност да се породам со царски рез. Мајките знаат колку е болно да се породиш со царски рез и очекувам големо внимание од сопругот.

Загрижена сум дека ако сопругот биде буден цела ноќ, преку ден кога ќе легне да спие, нашето дете ќе биде вознемирено. Ако тоа се случи, ќе мора да го разбудам за да се грижи за бебето“ – вели Ајуна.

Според пишувањата во странските медиуми Ајуни има свој бизнис за козметика. Како што рече, очекува да се породи при крајот на март, а по царскиот рез верува дека околу 3 месеци ќе биде целосно врзана за креветот.

Погледнете го видеото во продолжение:

@ayunieso24 #ad Bagi awl2 hadiah utk jaga sy dlm Pantang nnti ? Terima kasih suami , besar mana pun nilai hadiah ni takkan dapat balas kebaikan awk #fyp #ad #vitamilk ♬ Dengarkan Sayang - Kangen Band

 Б. С. Б. | Црнобело