Потресни фотографии: Пливачка изгубила свест и потонала во базен – тренерот ја спасил бидејќи спасувачите не направиле ништо

Детали

четврток, 23 јуни 2022

Анита Алварез од САД се натпреварувала во синхронизирано пливање, кога изгубила свест и потонала во базенот. Бидејќи спасувачкиот тим не направил ништо, нејзиниот тренер скокнал во базенот и ѝ го спасил животот.

Светското првенство во пливање што периодов се одржува во Будимпешта можело за да заврши кобно за една натпреварувачка која изгубила свесет во базенот. 

Но, благодарение на брзата реакција на нејзиниот тренер, девојката е спасена.

25-годишната Анита Алварез од Америка е пливачка која вчера, 23-ти јуни, се натпреваруваше на светското првенство во пливање што се одржува во Будимпешта.

Анита се натпреварувала во соло синхронизирано пливање, кога изгубила свест и потонала во огромниот базен.

Брзата реакција на нејзиниот тренер, Андреа Фуентес, дефинитивно ѝ го спасила животот на Анита.

Од потресниот момент се објавени фотографии на кои се гледа како младата пливачка лебди на дното во базенот, а Андреа плива кон неа, па ја изнесува на површина.

Во тој миг, во базенот влегува и маж чиј идентитет не е познат и ѝ помага на Андреа да ја извади Анита од базенот.

Според некои очевидци, додека траела спасувачката мисија, спасувачите не направиле ништо за да им помогнат на Андреа и Анита.

„Беше многу страшно. Морав да скокнам бидејќи спасувачите не правеа ништо. Бев исплашена бидејќи Анита не дишеше, но сега е добро“, изјави Андреа по инцидентот.

Набрзо потоа, Андреа се огласи и на Инстаграм, уште еднаш потврдувајќи дека младата пливачка е во ред:

„Анита е во ред – лекарите проверија сè и сè е нормално – пулс, кислород, крвен притисок… Некогаш забораваме дека се случува ова во спортовите што бараат многу издржливост.

Трчање маратони, возење велосипед… сите имаме видено фотографии од спортисти кои не успеале да стигнат до финишот и други кои им помагаат да стигнат дотаму.

Нашиот спорт не е поразличен од другите, само што е во базен. Ги тестираме нашите граници и некогаш ги наоѓаме.

Анита се чувствува добро и лекарите велат дека е во ред. Утре ќе одмара цел ден и со лекарот ќе одлучат дали ќе може да се натпреварува во финалето или не“.

Daily Mail пренесува дека ова не е првпат Анита да изгуби свест во базенот. Минатата година таа се натпреварувала за квалификации во Олимписките игри, кога изгубила свест. Андреа ја извадила од базенот и тогаш.

Тогаш се огласила нејзината мајка, која потврдила дека за време на тренинзите честопати се случувало Андреа да изгуби свест:

„За жал, сум го видела тоа и претходно, но никогаш за време на натпревар. Веднаш знаев што ѝ се случува. Беше тешко за гледање“.

Пливачите кои се натпреваруваат во синхронизирано пливање треба да го држат воздухот многу долго време, некогаш и повеќе од една минута. Поради ова, не било реткост да изгубат свест додека тренираат.

Спирова С. | Црнобело