Се сруши трибина во Колумбија за време на борба со бикови – загинало бебе, властите бараат забрана за вакви настани (фото+видео)

Борба со бикови која се одржа во недела, 26 јуни, заврши трагично откако се сруши дел од трибината со публика - загинаа четворица, има стотици повредени, а властите истакнуваат дека овие борби треба да се забранат бидејќи не е првпат да настрадаат луѓе.

se-rushi-tribina-vo-kolumbija-za-vreme-na-borba-so-bikovi-zaginalo-bebe-vlastite-baraat-zabrana-za-vakvi-nastani-foto-video-01.jpg

За време на борба со бикови се сруши дел од дрвена трибина при што загинаа четворица, а стотици луѓе останаа повредени.

Трагедијата се случи во областа Толима, Колумбија за време на традиционален настан познат како „corraleja“, каде што луѓето од публиката влегуваат во рингот и се борат со бикови.

se-rushi-tribina-vo-kolumbija-za-vreme-na-borba-so-bikovi-zaginalo-bebe-vlastite-baraat-zabrana-za-vakvi-nastani-foto-video-02.jpg

CBS News пренесува дека на трибината имало 800 луѓе во моментот кога се срушила, а според локалните власти загинати се две жени, еден маж и 18-месечно бебе.

По настанот, над 300 луѓе побарале помош во локалните болници. Четворица веќе биле на интензивна нега, а двајца закрепнувале од операција.

se-rushi-tribina-vo-kolumbija-za-vreme-na-borba-so-bikovi-zaginalo-bebe-vlastite-baraat-zabrana-za-vakvi-nastani-foto-video-04.jpg

Борбата со бикови, иако е еден вид традиција во Колумбија, веќе станува контроверзен настан, најмногу поради страдањето на кое се изложени биковите, но и опасноста со која се соочуваат луѓето од публиката.

Всушност, по трагедијата, гувернерот на областа изјави дека апелирал да се стави крај на борбите со бикови, но не бил послушан.

se-rushi-tribina-vo-kolumbija-za-vreme-na-borba-so-bikovi-zaginalo-bebe-vlastite-baraat-zabrana-za-vakvi-nastani-foto-video-06.jpg

Со сличен став е и Густаво Петро – новиот претседател на Колумбија чиј мандат треба да почне оваа година – кој истакнува дека не е првпат ваков настан да заврши трагично.

„Ги замолувам сите градоначалници да ги забранат настаните кои вклучуваат смрт на луѓе и животни“, вели Густаво, пренесува CBS News.

se-rushi-tribina-vo-kolumbija-za-vreme-na-borba-so-bikovi-zaginalo-bebe-vlastite-baraat-zabrana-za-vakvi-nastani-foto-video-03.jpg

Од настанот е објавено и потресно видео на кое се гледа како се урива трибината и луѓето пробуваат да се спасат.

Спирова С. | Црнобело

Би можело да ве интересира:

„Имам огромни гради, луѓето ме зјапаат и мразат поради нив“ „Морам да носам вреќеста облека во секојдневието за да не се ставам себеси во оп...
Бизарните миленици на жена од САД – чува 50 стаорци, ги бања во кујнскиот мијалник: „Луѓето го менув... Мишел Рејбон чува дури 50 стаорци и вели дека спротивно на верувањата на многуми...
Спектакуларен крај на прославите за Платинестиот јубилеј – настанот чинел 18 милиони долари, Меган и... Со парада за чија организација биле одвоени 18 милиони долари, завршија прослави...

Најчитани неделава

sonovnik-sidebar.jpg