„Објавувањето фотки на веб страна за возрасни ми го уништи животот - велат дека сум лесна девојка, а не сум имала секс со години“

Детали

сабота, 10 септември 2022

„Заради тоа што го работам, мажите претпоставуваат дека сум лесна девојка, а во последните 5 години сум немала секс“ – вели оваа девојка од Англија која тврди дека објавувањето фотографии на веб страна за возрасни целосно ѝ го уништило животот.

Фенела Фокс од Англија објавува разголени фотографии на веб страната за возрасни OnlyFans,  а вели дека нејзината кариера почнала да ѝ прави проблеми во приватниот живот и дека мажите вообичаено бегаат од неа.

Оваа 28-годишна девојка тврди дека заради фотките што ги објавува на веб страната за возрасни мажите најчесто претпоставуваат дека таа е лесна девојка, иако таа самата си поставила правило дека може да биде интимна со партнерите дури по третиот состанок и немала секс со години наназад.

Таа вели дека мажите ги заплашува и тоа што таа заработува околу 200.000 евра годишно од страната за возрасни.

„Мажите најчесто се плашат од тоа што го работам и од тоа колку заработувам, па најчесто се трудам да им кажам веднаш.

Би сакала да имам секс, всушност очајна сум за секс – но во последните пет години не сум била со никого, затоа што мажите не можат да чекаат до третиот состанок и очекуваат веднаш да спијам со нив заради мојата работа“ – вели Фенела.

Таа вели дека мошне често се случува некои девојки што се фотографираат на веб страни за возрасни да бидат срамежливи и повлечени во приватниот живот.

„Го сакам тоа што го работам – но мора да признаам дека ми го уништи животот. Се прашувам дали за мажите сум само трофеј што сакаат да го освојат за една вечер и кога ќе сфатат дека не можат да ме добијат веднаш, се откажуваат“ – вели таа.

Таа вели дека досега се сретнала со секакви мажи, од такви што воопшто немаат трпение да ја запознаат, до оженети мажи или мажи во врска кои лажно се претставуваат дека се сингл, а заради нејзината работа сметаат дека таа е лесна жена.

Б. С. Б. | Црнобело