Магична глетка: Виножита над кралската палата по смртта на кралицата Елизабета + колку години Чарлс чекаше да стане крал?

Детали

петок, 09 септември 2022

Чарлс од денес стана најстариот човек што некогаш застанал на британскиот трон, децата на Меган и Хари станаа принц и принцеза, а во моментот по објавувањето на веста за смртта на Елизабета Втора две големи виножита се појавија на британското небо.

Кратко откако вчера (08.09) беше објавена веста за смртта на Кралицата Елизабета Втора две виножита се појавија над Бакингемската палата и уште едно до замокот Виндзор, а според Британците тоа е знак дека Кралицата секогаш ќе биде со нив.

На фотографиите се гледа како британското знаме е спуштено на половина копје, а до него е видливо големо виножито.

Инаку голем број Британци излегоа на плоштадите и се собраа пред Бакингемската палата за да ѝ оддадат почит на кралицата, која почина во 96-тата година од животот.

По смртта на Елизабета, нејзиниот син Чарлс Трети ќе стане најстариот крал што некогаш застанал на тронот. Чарлс во моментов има 73 години, а на само 3 години беше именуван за наследник на тронот.

Со тоа Чарлс помина околу 70 години во исчекување на денот кога ќе застане на тронот, а ќе ја предводи нацијата под името Чарлс Трети.

Неговото владеење почнува од денес (09.09), односно еден ден по смртта на неговата мајка Елизабета Втора.

Се очекува тој да биде мошне разумен владетел, особено ако се земе предвид дека има големо искуство како принц, кој околу 70 години помина во сенката на неговата мајка.

Смртта на Кралицата, пак, предизвика и други промени во однос на кралските титули.

Меган скандалозно во интервјуто кај Опра тврдеше дека нејзините деца со Хари, Арчи и Лилбет, нема да добијат титули заради мешаната раса, но сега и официјално тие се прогласени за наследници на тронот и добија титули принц и принцеза.

Хари и Меган, пак се војводата и војвотката од Сасекс.

Вилијам, пак е прв наследник на тронот по татко му Чарлс и сега ќе ја добие титулата Војводата од Корнвел.

Во продолжение погледнете детален приказ на распоредот на наследници на тронот:

Б. С. Б. | Црнобело