Специфичниот однос на кралицата Елизабета и Дијана - мразела кога ѝ плаче за аферата на Чарлс (фото)

Кралскиот биограф Ингрид Суард во нејзината книга The Queen and Di говори за специфичниот однос помеѓу кралицата и принцезата. Според неа, двете жени биле мошне блиски и Дијана еднаш ѝ рекла дека ја има „најдобрата свекрва на светот“.

Но, со влошувањето на односите меѓу Дијана и Чарлс дополнително се влошиле и односите меѓу Дијана и кралицата. Наводно, кралицата не можела да ги поднесе посетите на принцезата која доаѓала кај неа и без престан плачела.

Главниот проблем во нивниот однос била генерациската разлика. Според многумина, Дијана очекувала дека Елизабета ќе интервенира и ќе го натера Чарлс да ја прекине аферата, а Елизабета очекувала Дијана да престане да се нервира за неважни работи.

На Елизабета ѝ било најважно да се сочува угледот на семејството и воопшто не ѝ се допаѓало тоа што нивниот брак бил постојано во центарот на вниманието и тоа што за нив постојано се пишувало во таблоидите.

Веста за разводот на Дијана и Чарлс беше официјално објавена во 1992-ра година, но разводот ќе се случи дури 4 години подоцна и тоа по наредба на Кралицата.

Имено, во 1995-та година Дијана даде интервју каде рече дека во нејзиниот брак секогаш имало тројца, алудирајќи на аферата на Чарлс со Камила, по што кралицата останала згрозена и им упатила телеграма на Чарлс и Дијана во која им порачала дека е време да се разведат.

По трагичната сообраќајна несреќа во 1997-ма година во која Дијана го загуби животот, кралицата јавно се обрати и рече:

„Сакам лично да ѝ оддадам почит на Дијана. Таа беше исклучителна и талентирана жена. Во добро и во лошо никогаш не престана да се смее и да ги инспирира другите со сопствената топлина и љубезност.“

Б. С. Б. | Црнобело