Не се туширал речиси 70 години - Запознајте го „највалканиот“ човек на светот

Детали

недела, 09 октомври 2022

Аму Хаџи е 83-годишен Иранец кој многумина го сметаат за највалканиот човек на светот. Аму тврди дека не се туширал речиси 70 години. Тој се плаши од вода и тоа е причината поради која не се туширал повеќе од шест децении.

Аму Хаџи можеби не сака да се тушира, но сепак се грижи за тоа како изгледа. Косата и брадата ги потстрижува така што ги гори до саканата должина со оган, а со помош на случајно минување покрај ретровизори од автомобили, повремено проверува и како навистина изгледа.

Аму исто така сака да биде во тек со политиката и да разговара за војните за кои тој најмногу знае - Француската и Руската револуција.

Локалниот гувернер споделил дека со Аму е интересно да се разговара и покрај неговиот изглед и дека ги осудува сите кои вербално го омаловажуваат.

Исхраната на Аму

Аму Хаџи тврди дека неговата омилена храна е расипано месо од свиња. Не е дека нема пристап до свежа храна - тој едноставно не ја сака.

Аму се вознемирува кога селаните се обидуваат да му донесат домашно зготвени јадења и чиста вода.

Но, иако одбива свежа вода, тој сепак останува хидриран, пиејќи вода секој ден која ја собира од барите наоколу.

Кога не јаде или пие, Хаџи ужива во неговите омилени занимации како пушење на луле кое го полни со животински измет.

Кога нема измет наоколу, тој ќе се задоволи со тутунски цигари, а познато е дека пуши до 5 од нив одеднаш.

И покрај тоа, Аму има одлично здравје!

За некој кој не се капел од 1950-тите, Аму Хаџи е изненадувачки здрав. Локалните лекари кои му направиле тестови се запрепастени што овој маж може да го одржи својот нехигиенски начин на живот. 

Лекарите направиле тестови за да утврдат дали има некои болести што треба да се лекуваат. По тестирањата заклучиле дека Аму е во многу добра здравствена состојба.

Всушност, тој има само една болест - трихиноза, паразитска инфекција предизвикана од јадење сурово или недоволно варено месо.

За среќа, се чини дека Хаџи не покажува никакви симптоми опасни по живот и веројатно има цврст имунолошки систем.

M. Г. | Црнобело / фото: pinterest.com