„Мојата сопруга е 19 години помлада од мене - првпат ја видов кога беше бебе, а се вљубив во неа пред 4 години“

Детали

недела, 23 октомври 2022

„На почетокот мислам дека никој не веруваше дека ние двајца ќе останеме заедно, па дури ниту ние самите не верувавме – но, сега сме среќни во брак и очекуваме бебе“ – вели Еви Фоету Томпкинсон која е во брак со 19 години постар сопруг. Таа раскажува како по една случајна средба ја нашла љубовта на нејзиниот живот.

Рич Фоету Томпкинсон (48) од Англија е во брак со неговата 19 години помлада сопруга Еви Фоету Томпкинсон (29) од јули годинава.

Парот ја објавува својата приказна во британските медиуми обидувајќи се да ги нормализира врските каде постои голема генерациска разлика меѓу партнерите, а раскажуваат дека се запознале уште во 2018-та година кога Рич ја сретнал Еви во пабот каде што таа работела.

Тие почнале да разговараат, а Рич сакајќи да го одржи контактот со неа, ја поканил да му помогне со некој хуманитарен настан што тој го организирал.

Парот ја користел секоја прилика да биде заедно и да разговара, а Рич вели дека тоа лето кога таа заминала сама на одмор, тој сфатил дека се вљубил во 19 години помладата девојка:

„Сфатив дека ми недостасува и бев загрижен за неа кога не беше со мене. Ѝ го кажав тоа кога се врати и таа ми рече дека го чувствува истото“ – вели Рич.

Еви била заедно со Рич додека тој се справувал со тагата заради смртта на неговиот татко кој починал од рак во 2018-та година, а во февруари 2019-та година почнале да живеат заедно.

Во септември 2019-та година во локалниот театар била изведена премиерата на документарниот филм за хуманитарниот настан на кој работеле заедно и Рич ја искористил приликата да клекне на едно колено и да ја побара за жена.

Нивните семејства ја поддржуваат нивната врска иако постои голема разлика меѓу нив и иако Рич сфатил дека со мајката на Еви, Сара Овен (53) работеле во минатото на иста улица и тој ја гледал неговата сегашна сопруга уште кога таа била бебе.

„Беше малку застрашувачки кога сфатив дека сум ја гледал Еви како бебе, но немав идеја која е тогаш. Денес само се смееме за тоа. За нас годините се само бројки, не можеш да предвидиш во кого ќе се вљубиш.

Некои мислат дека сум и татко на Еви, но најголем дел од нив гледаат дека ни е убаво заедно и нам воопшто не ни пречи разликата во годините“ – вели Рич.

Сега Еви и Рич го очекуваат своето прво дете. Еви признава дека на почетокот била загрижена за тоа дали воопшто ќе можат да станат родители заради годините на нејзиниот сопруг па останале во шок кога сфатиле дека таа останала веднаш бремена, а Рич плачел кога дознал.

„На почетокот мислам дека никој не веруваше дека ние двајца ќе останеме заедно, па дури ниту ние самите не верувавме – но, сега сме среќни во брак и очекуваме бебе“ – вели Еви.

Таа додава дека нејзиниот сопруг е во добра форма и верува дека тој ќе биде прекрасен татко, а што се однесува до коментарите на другите, тие велат дека се подготвени другите да мислат дека Рич му е дедо на детето и дека уште од сега се смеат за тоа.

Б. С. Б. | Црнобело