„По разводот го променив личниот опис – сега личам на Меган Фокс и се чувствувам моќно“ (фото)

Детали

понеделник, 28 ноември 2022

„Бев заглавена во завршување на обврските што се очекуваа од мене како сопруга и мајка и не давав приоритет на тоа како изгледам“ – вели оваа 29 годишна жена од САД, која по разводот одлучила веќе да не се облекува како пристојна мајка и домаќинка, а сега сите ја споредуваат со Меган Фокс.

Мариса Пул (29) од САД вели дека по разводот одлучила да си го смени личниот опис и да не се придржува повеќе до уверувањата дека треба да личи на пристојна мајка и сопруга.

Уште на 12-годишна возраст била вљубена во рок музиката, а за американските медиуми Мариса раскажува дека го запознала својот поранешен сопруг на возраст од само 17 години.

Мариса и нејзиниот сопруг биле заедно 12 години, а со него добила и две деца што денес се на возраст од 6 и 2 години, но, во јануари годинава тие одлучиле да стават крај на бракот.

„Моето ментално здравје беше на најниско ниво. Бев заглавена во завршување на обврските што се очекуваа од мене како сопруга и мајка и не давав приоритет на тоа како изгледам или на другите аспекти од мојот живот.

Како станувате повозрасни, така се менувате како личност и вашите верувања се менуваат. Се загубив себеси, додека бев во брак, како што тоа им се случува на голем број жени“ – вели таа.

Мариса нагласува дека одлуката за разделба била заедничка откако таа и нејзиниот поранешен сопруг сфатиле дека нивните деца заслужуваат подобар живот од оној што тие како пар можеле да им го дадат.

По разводот, водена од својата љубов кон алтернативната рок музика, Мариса одлучува целосно да го промени својот изглед.

Кратката боб фризура ја заменила за долга црна коса, а на телото додала 11 нови тетоважи и пирсинзи, па сега тврди дека луѓето постојано ја споредуваат со Меган Фокс.

„Конечно можев да бидам своја. Знам дека ако изгледам убаво однадвор, ќе се чувствувам убаво и одвнатре затоа што сум реална и искрена пред луѓето и не се кријам од светот затоа што се плашам. Тоа дефинитивно беше долг процес, не се случи сѐ преку ноќ“ – раскажува таа.

Таа вели дека промената влијаела позитивно на неа и им препорачува на сите мајки да одвојат време за себе секој ден и да прават нешто што ќе им помогне да се чувствуваат поубаво.

„Сега секој ден поминувам по половина час во шминкање и подготвување. Само кога се чувствувате убаво, на светот можете да му ја понудите најдобрата верзија од себеси.

Се чувствувам како целосно поинаква личност. Самоуверена сум и своја, а луѓето постојано ме споредуваат со Меган Фокс и тоа ми годи – вели таа.

Б. С. Б. | Црнобело