Властите во Индонезија забранија вонбрачен секс, дури и за туристи – кои други чудни забрани важат во земјата?

Детали

среда, 07 декември 2022

Властите во Индонезија го забранија вонбрачниот секс, а оние кои ќе го прекршат новиот закон, вклучувајќи ги и туристите, можат да се соочат со казна затвор до една година. Кои други необични забрани постојат во оваа земја?

Властите во Индонезија донесоа нов закон според кој сексот надвор од брак се смета за кривично дело.

Одлуката за донесувањето на законот била едногласна, а активистите веќе истакнуваат дека ова е прекршување на човековите права.

CNN споделува дека новиот кривичен закон е долг 200 страни и бил во изработка неколку години. Властите сакале законот да стапи на сила уште во 2019 година, но тогаш се соочиле со протести, генерално од студенти.

Казната за прекршување на овој бизарен закон е и до една година затвор.

Уште почудно е што забраната важи и за туристи, а добро познат факт е дека за Индонезија, особено дестинациите како Џакарта и Бали, туризмот е мошне важна дејност.

Ова значи дека туристите кои не се во брак, а имаат секс и бидат фатени, можно е да се соочат и со затворска казна.

Според властите, целта на овој закон е да е „заштити институцијата брак и да се заштитат вредностите што ги негува Индонезија“.

Но, ова не е единствениот чуден закон во Индонезија кој забранува навидум секојдневни, па и неопходни работи.

Кои други бизарни забрани важат во оваа земја?

Одредени лекови кои се издаваат со рецепт

Законите против дрога се многу строги во Индонезија, а овие забрани се однесуваат и на некои лекови кои се издаваат со рецепт.

Апчињата за спиење што ги користат многу луѓе кои патуваат често, но и лековите за нарушувања како АДХД се забранети. Истото важи и за посилни лекови за болка.

Поради строгите закони, туристите неретко се советувани да носат ја носат оригиналната амбалажа на лекот, како и лекарска потврда за неговото издавање за да избегнат сериозни проблеми.

Неносење пасош

Според законот, сите луѓе во Индонезија со себе постојано мораат да носат документ за идентификација.

За туристите ова значи дека секогаш мораат да го носат својот пасош со себе.

Коцкање

Секој вид коцкање е строго забранет во Индонезија.

Според австрискиот медиум News, туристите можат да најдат илегални места за коцкање, но повеќето секогаш се соочуваат со казна или измами од страна на организаторите на овие игри.

Спирова С. | Црнобело