„Како да си го подобрам животот“: Најпребарувани термини и прашања на Google за 2022 година

Детали

понеделник, 19 декември 2022

Покрај новостите како смртта на кралицата Елизабета и војната во Украина, во 2022 година луѓето најмногу пребарувале како да се променат себеси, како да си го променат животот на подобро и како да го направат светот поубаво место – што друго се пребаруваше на Google оваа година?

Неодамна Google го објави извештајот за најпребарувани термини во 2022 година. Веројатно и самите претпоставувате дека смртта на кралицата Елизабета, војната во Украина, како и Светското првенство се едни од најпребаруваните теми и настани.

Нормално, овде е и шлаканицата на Вил Смит од Оскарите, како и судењето на Џони Деп и Амбер Херд што беше главна тема на зборување со месеци.

За среќа, пандемијата веќе стивнува, па коронавирусот не се наоѓа ни во топ 10. За споредба, од 2019 до 2021 година, ова беше еден од најпребаруваните термини, заедно со симптомите, како и ограничувањата во земјите ширум светот.

Најпребаруван термин за 2022 година на глобално ниво е играта Wordle која е хит и кај нас.

Од Google направија и видео во кое го сумираат извештајот, истакнувајќи ги некои од најличните прашања што биле пребарувани.

Според видеото, дефинитивно доминирале прашањата поврзани со личниот развој. Прашања како „Дали можам да се променам?“, „Дали можам да си го променам животот?“, „Дали можам да ја променам кариерата?“ и „Како да ја најдам мојата страст?“ покажуваат дека повеќето луѓе сакаат да си го подобрат животот и да станат најдобрата верзија до себе.

Луѓето пребарувале и прашања како „Дали сè е возможно?“ и „Како да станам бестрашен?“, што значи дека сите се подготвени да ги направат потребните промени не само за себе, туку и за да го направат светот подобро место за живеење.

И покрај лошото влијание од пандемијата, војните и бројните катастрофи, овие пребарувања покажуваат дека луѓето никогаш не губат надеж, дури ни во најлошите мигови.

Овие пребарувања се ништо помалку од инспиративни и се знак дека навистина можеме да го направиме светот многу поубав.

„За сите кои го гледаат светот не таков каков што е, туку таков каков што може да биде, продолжувајте да барате“, порачуваат од Google во видеото.

;

Во продолжение, дел најпребаруваните термини според теми, а целата листа можете да ја погледнете ТУКА:

Најпребарувани термини:

• Wordle
• Индија vs. Англија
• Украина
• Кралицата Елизабета
• Индија vs. Јужна Африка

Најпребарувани вести:

• Украина
• Смртта на кралицата Елизабета
• Резултати од избори
• Резултати од Powerball (американска лотарија)
• Мајмунски сипаници

Најпребарувани личности:

• Џони Деп
• Вил Смит
• Амбер Херд
• Владимир Путин
• Крис Рок

Најпребарувани филмови:

• Thor: Love and Thunder
• Black Adam
• Top Gun: Maverick
• The Batman
• Encanto

Најпребарувани серии:

• Euphoria
• House of the Dragon
• Moon Knight
• The Watcher
• Inventing Anna

Спирова С. | Црнобело