Дечко и девојка се запросиле истовремено - и тој и таа клекнале со прстен (фото)

Детали

понеделник, 09 јануари 2023

Девојка во Латвија клекна да го запроси својот сакан, не знаејќи дека тој веќе купил прстен и го планирал истото, па и тој веднаш клекна пред неа... „Двојно“ запросување кое го освои светот.

Би Николс и Џејмс Каванаг од Велика Британија се запознале во основно училиште, но се сретнале и вљубиле повторно пред неколку години, а сега си ветија љубов до крајот на животот.

Додека биле на одмор во Латвија, Би одлучила да клекне на колено и да го запроси својот сакан, несвесна дека и тој веќе имал купено прстен и го планирал тоа истиот ден.

Нивното „двојно“ запросување трогна многумина и предизвика лавина реакции на Твитер, каде Џејмс ја сподели ситуацијата.

И двајцата со жолти капи и двајцата клекнати еден пред друг со прстен, тие велат дека ова им било уште еден доказ дека се сродни души.

„Претходно не бев личност што верува во сродни души, но по ова искуство со Џејмс, и уште низа други коинциденции, мислам дека почнав да верувам“, вели Би.

?ref_src=twsrc%5Etfw%7Ctwcamp%5Etweetembed%7Ctwterm%5E1610231228157890562%7Ctwgr%5Ef17be289648574ce573d69a1e4c71f95c7a3af95%7Ctwcon%5Es1_&ref_url=https%3A%2F%2Fwww.bbc.com%2Fnews%2Fuk-england-beds-bucks-herts-64186463

С. С. | Црнобело