Девојка која има 40 различни личности во себе, критикувана откако побара евтаназија - лекари тврдат дека тоа е нелегално

Детали

петок, 27 јануари 2023

„Како да знаеме дека таа навистина бара да биде убиена, а барањето не е упатено од една од нејзините други 39 личности?“ – прашуваат дел од луѓето што ја проследија приказната за Французинката која бара да ѝ биде извршена евтаназија затоа што има синдром на повеќекратна личност. Лекарите тврдат дека таквото „убиство“ во Европа е нелегално.

Олимпе е 23-годишна Французинка која е позната на YouTube по тоа што редовно споделува совети за менталното здравје, а за себе тврди дека има синдром на повеќекратна личност.

Неодамна нејзината приказна беше опфатена во поголем број светски медиуми откако таа најави дека поднела барање во клиника во Белгија да ѝ се изврши евтаназија.

Олимпе тврди дека пореметувањето кај неа настанало откако претходно била жртва на сексуално малтретирање и повеќепати била преселувана во различни згрижувачки домови во Франција.

Таа вели дека во себе има 40 различни личности и на својот Инстаграм профил најави дека кон крајот на 2023-та година ќе има асистирано самоубиство, односно евтаназија во Белгија.

„Веќе сум во контакт со лекарите. Ова не е дебата. Ова е мојот живот. Таа одлука ја донесов многу тешко“ – рече Олимпе.

Нејзината објава предизвика бурна дискусија, како во светските медиуми, така и на социјалните мрежи.

Лекар од споменатата клиника во Белгија, тврди дека никогаш не стапил во контакт со Олимпе, а појаснува дека процесот за одобрување на евтаназија може да потрае месеци или години.

„Не сум го видел нејзиното медицинско досие, но сум ги прочитал нејзините мејлови. Не одбиваме да се сретнеме со луѓе како неа, но им појаснуваме дека процесот може да трае неколку месеци или години.

Таа ја најавува сопствената смрт на крајот на годината, но таква информација никогаш не добила од мене“ – појаснува лекарот.

Од друга страна, во медиумите се појаснува дека самиот процес на евтаназија не се извршува на тој начин како што јутјуберката го опишува и тоа што таа го бара во најголем број земји низ Европа се смета за убиство и е нелегално.

Во Белгија, Холандија, Луксембург, Германија и Шпанија е дозволено да се запре со третмани за одржување во живот на лица кои се во животно загрозувачка ситуација и тоа всушност подразбира евтаназија, а асистираното убиство се смета за противзаконско.

Самата Олимпе на Инстаграм вели дека не очекувала да се развие толку голема дебата околу нејзиниот случај, па најави дека ќе престане да објавува такви содржини, затоа што не сакала да влијае негативно врз младите луѓе што поминуваат низ период на депресија.

Од друга страна пак, твитерџиите масовно коментираат за нејзините објави, при што во некои од коментарите постојано се повторува прашањето:

„Како да знаеме дека таа бара самоубиство, а не една од личностите што се во неа?“

Повеќе фотографии од Олимпе на следната страна...