Нов бизарен тренд: Инфлуенсери одат боси насекаде, дури и во зима, за да се поврзат со природата – јавноста ги критикува

Детали

вторник, 14 февруари 2023

„Босите инфлуенсери“ се релативно нов тренд на ТикТок кој се соочува со многу критики. Овие инфлуенсери одат боси насекаде, без разлика на временските услови, и тврдат дека вака се поврзуваат со природата. Сепак, трендот е осуден како бизарен и ризичен.

Таканаречените „боси инфлуенсери“ на ТикТок се дел од релативно ново движење кое има за цел „да ги доближи луѓето до природата“.

Како што кажува нивното име, овие инфлуенсери скоро секогаш се боси – дури и кога одат на работа или кога надвор врне снег – и тврдат дека на овој начин се поврзуваат со природата.

Сепак, иако добиваат и поддршка, повеќето се соочуваат со критики од јавноста.

66-годишната Су Реган Кени е еден од овие инфлуенсери и вели дека природата ѝ пратила порака да почне да оди боса.

Наводно, пред неколку месеци таа шетала низ шума, кога почувствувала потреба да ги соблече патиките и чорапите.

„Знаев тогаш без сомнение дека таа (природата) сакаше да бидам боса, а потоа да им помогнам на луѓето повторно да се поврзат со Земјата“.

Оттогаш, Су од Канада е боса поголемиот дел од времето и вели дека носи чевли само кога има многу снег и само кога оди на гости, и тоа од почит.

Таа има ТикТок профил со над 175.000 следбеници каде што покажува како изгледа нејзиното секојдневие без чевли.

@barefootsue When running in the forest lift your knees up & land on the ball of your foot. Then drop your heel down to avoid injury. #barefootrunning #isolation ♬ Forest Sounds - Tracks of Nature

И 29-годишната Мара Доемленд е дел од контроверзното движење.

За разлика од Су, таа оди боса од 2015 година и вели дека не планира да се врати на стариот начин на живот. И таа има ТикТок профил каде што го промовира движењето.

„Одењето боси навистина може да ве релаксира и смири“.

@theamazingmara Replying to @marshamushroom good thing I don’t eat with my feet! #barefootlifestyle #barefooting #crunchymom #naturallife #barefootinpublic ♬ BIG MAD - Ktlyn

И покрај гледаноста на овие видеа на ТикТок, поголемиот дел од коментарите се против „босите инфлуенсери“.

Многумина сметаат дека ова е опасно, особено ако се движите низ град, додека други истакнуваат дека не е воопшто хигиенски.

Има и такви кои коментираат дека не сакаат да гледаат туѓи стапала кога се во јавност.

Но, Мара не се согласува со ова, особено со последното тврдење и истакнува дека во лето луѓето постојано носат сандали.

Су Кени верува дека има многу митови во врска со одењето боси – некои мислеле дека е и нелегално.

Таа вели дека барем во САД, никаде не е забрането да се оди бос. Единствено можеби разни институции да си имаат свои правила кои треба да се почитуваат.

Всушност, и нејзе ѝ се им случено да не ја пуштат во ресторани бидејќи била боса.

@barefootsue This time I fell through the ice! Yikes. Still I love #MotherEarth ???And yes, barefoot is #dope ♬ original sound - Barefoot Sue

Кога станува збор за ризиците, многу експерти веруваат дека е поприродно од одењето со чевли.

Според Healthline, има бројни придобивки од ова, вклучувајќи поголема контрола над стапалото, подобра рамнотежа, посилно стапало и посилни зглобови и слично.

Сепак, одењето боси надвор не доаѓа без ризици. Кога одите боси, ги изложувате стапалата на секакви бактерии и микроорганизми кои можат да бидат опасни.

Овде, секако, е и ризикот од повреда кој е поголем ако се движите боси во урбана средина каде што може да има остатоци од скршено стакло и сличен отпад по улиците.

За Healthline, лекар вели и дека лицата со дијабетес не би требало да ризикуваат да одат боси или барем да се консултираат со лекар пред да го направат тоа:

„Ако им се оштетени нервите, може да се здобијат со повреди на стапалата, а да не се ни свесни за тоа“.

Што мислите за овој чуден тренд?

Спирова С. | Црнобело