Беа финалистки на избор за Мис на светот, се венчаа по 2 години тајна врска – љубовната приказна на мисиците Маријана и Фабиола

Детали

петок, 17 февруари 2023

Маријана од Аргентина и Фабиола од Порторико се запознале на изборот за Мис на светот во 2020 година и веднаш се вљубиле една во друга. Две години тие ја лажеа јавноста дека се добри пријателки, пред да откријат дека не само што се пар, туку и се венчале.

Маријана Варела, која ја претставуваше Аргентина на избор за Мис на светот во 2020 година, и Фабиола Валентин, која ја претставуваше Порторико, се запознале на натпреварот, се вљубиле и две години биле во тајна врска.

Минатата година тие ја изненадија јавноста кога соопштија дека не само што се пар, туку и дека стапиле во брак.

Изборот за Мис на светот во 2020 година се одржуваше во Тајланд, а Маријана (26) и Фабиола (22) се запознале токму таму.

И пред натпреварот, двете девојки биле познати модели и инфлуенсерки во нивните држави.

Маријана, која потекнува од Буенос Аирес, има 138.000 следбеници на Инстаграм, а во Аргентина победила на два престижни натпревара за убавина.

Фабиола, пак, има речиси 300.000 следбеници на Инстаграм, а исто како сопругата, и таа има победено на неколку натпревари за убавина.

Уште кога првпат се здогледале, привлечноста помеѓу девојките била обострана, а кога и двете биле избрани во финале, сфатиле дека се вљубуваат една во друга.

Нивните чувства само се засилиле на финалната вечер, кога секоја од натпреварувачките ги покажува и своите уникатни таленти.

По завршувањето на натпреварот, Марија и Фабиола честопати објавуваа заеднички фотки на Инстаграм и велеа дека станале најдобри пријателки.

Во објавите тие постојано истакнуваа дека се пресреќни што се сретнале и на почетокот никој не се ни сомневаше дека станува збор за нешто повеќе од пријателство.

Но, кога заедничките објави зачестија, нивните следбеници почнаа да шпекулираат дека сигурно има нешто повеќе.

Девојките не ги коментираа шпекулациите и дури во октомври 2022 година открија дека не само што се пар, туку и дека стапиле во брак.

Марија и Фабиола споделија заедничко видео на Инстаграм со кадри од нивните заеднички патувања, како и запросувањето.

„Откако одлучивме да ја криеме нашата врска, ги отвораме вратите на нашиот посебен ден“, стои во описот.

Потоа Маријана и Фабиола почнаа да споделуваат повеќе детали од нивната врска, а сега снимија и заедничка реклама за парфем на брендот на Ријана.

Во рекламата, девојките зборуваат за нивната врска и изборот за Mис на којшто се запознаа.

„Бевме неразделни иако се натпреварувавме една против друга. Малку по малку, тој момент нè зближи. Сè продолжи да тече и се претвори во ова прекрасно пријателство, кое созреа уште повеќе сега кога сме сопруги.

И, волшебно е да најдете некој таков во вашиот живот“, велат во рекламата на шпански јазик.

Спирова С. | Црнобело